13 May 2022 19:15
244
DÜNYA

İrəvanda müxalifətin növbəti yürüşü başlayıb

Ermənistan müxalifətinin bir neçə min tərəfdarı parlamentin vitse-spikeri İşxan Saqatelyanın başçılığı ilə bu gün günortadan sonra İrəvanın mərkəzi küçələrində baş nazir Nikol Paşinyanın istefası tələbi ilə yürüşə başlayıb.

AZƏRTAC xəbər verir ki, etiraz aksiyası yerli informasiya portallarında canlı yayımlanır. Yürüş iştirakçıları hökumət əleyhinə şüarlar səsləndirirlər. Onları gücləndirilmiş polis naryadı müşayiət edir.

Bir qədər əvvəl etirazçıların hökumət binalarının üçüncü korpusunda girişləri blokladığı barədə xəbərlər yayılıb. Bu korpusda Ermənistanın bir sıra nazirlikləri yerləşir. Axşam isə Fransa meydanında müxalifətin böyük mitinqi gözlənilir.

Xatırladaq ki, mayın 11-də keçirilən yürüşün gedişində şəhər meriyasının binası bloklanmışdı.

Aprelin 25-dən başlayaraq Ermənistan müxalifəti bütün ölkə üzrə etiraz aksiyaları keçirir. Nümayişçilərin fikrincə, hakimiyyətin yürütdüyü siyasət dövlətçiliyin itirilməsi təhlükəsi yaradır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video