İndoneziya parlamentarisi: Azərbaycanın işğaldan azad edilmiş əraziləri tezliklə öz rifahına qovuşacaq
İyulun 1-də Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli Qoşulmama Hərəkatı Parlament Şəbəkəsinin Bakı konfransında iştirak etmək üçün ölkəmizdə səfərdə olan İndoneziya parlamentinin Parlamentlərarası əməkdaşlıq komitəsi sədrinin müavini Mardani Ali Seranın başçılıq etdiyi nümayəndə heyəti ilə görüşüb.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, qonaqları salamlayan Fəzail İbrahimli onlara Azərbaycanın müstəqillik tarixindən söz açıb. O, Ermənistanın təcavüzü nəticəsində torpaqları işğal olunmuş Azərbaycanın danışıqlar yolu və beynəlxalq hüquq vasitəsilə ərazi bütövlüyünü bərpa etmək üçün 30 ilə yaxın səbir göstərdiyini və nəhayət öz gücü ilə düşməni torpaqlarından qovduğunu, ərazi bütövlüyünü bərpa etdiyini vurğulayıb. Fəzail İbrahimli beynəlxalq təşkilatların, ölkələrin, o cümlədən İndoneziyanın Azərbaycanın bu haqq işinə verdiyi dəstəyi yüksək qiymətləndirib, buna görə təşəkkürünü ifadə edib.
İndoneziya parlamentinin nümayəndə heyətinin rəhbəri Mardani Ali Sera Qoşulmama Hərəkatı Parlament Şəbəkəsinin Bakı konfransında iştirak etmək üçün ölkəmizə səfərlərindən məmnun qaldıqlarını bildirib, konfransın yüksək səviyyədə təşkil edildiyini vurğulayıb. Mardani Ali Sera Azərbaycanın ərazi bütövlüyünün bərpa edilməsi ilə bağlı sevincini dilə gətirib və işğaldan azad edilmiş ərazilərin tezliklə öz rifahına qovuşacağına əminliyini bildirib. O, ölkələrimiz arasında əməkdaşlığın, parlamentlər səviyyəsində əlaqələrin inkişafının əhəmiyyətinə toxunub, münasibətlərimizin möhkəmlənməsi üçün qarşılıqlı səfərlərin həyata keçirilməsinin vacibliyini qeyd edib.
Görüşdə Milli Məclisin Elm və təhsil komitəsinin sədri, Azərbaycan-İndoneziya parlamentlərarası əlaqələr üzrə işçi qrupunun rəhbəri Bəxtiyar Əliyev və işçi qrupunun üzvü Elman Nəsirov iştirak ediblər.
Sonra söhbətdə ölkələrimiz arasında əlaqələrin inkişaf etdirilməsi və tərəfləri maraqlandıran digər mövzular barədə fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Futzal üzrə Azərbaycan Kubokunda finalçılar müəyyənləşib
25 Aprel
Aydın Süleymanlı şahmat üzrə Azərbaycan çempionu olub
25 Aprel
ABŞ hərbi kontingentinin bir hissəsini Çaddan çıxarır
25 Aprel
Almaniya Azərbaycanı COP29-da dəstəkləməyə hazır olduğunu ifadə edib
25 Aprel
Prezident İlham Əliyev Almaniyaya işgüzar səfərə gəlib
25 Aprel
Britaniya Kral Hərbi Donanmasına məxsus gəmi husilərin raketini vurub
25 Aprel
Milli Məclisin sədri Sahibə Qafarova Monteneqroya rəsmi səfərə gedib
25 Aprel
Böyük Britaniya İrana qarşı yeni sanksiyalar tətbiq edib
25 Aprel
Bakıda “Azərbaycan Arbitraj Günləri” adlı beynəlxalq tədbir başlayıb
25 Aprel
BMT-nin sessiyası çərçivəsində Azərbaycan ombudsmanının növbəti hesabatı ilə bağlı dinləmə keçirilib...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!