28 May 2022 23:15
312
SİYASƏT

Hyustonda 28 May “Azərbaycanın Müstəqillik Günü” elan edilib

ABŞ-ın Texas ştatının Hyuston şəhərinin meri Silvester Törner 28 May - Müstəqillik Günü münasibətilə Azərbaycan xalqını təbrik edib.

Müstəqillik Günü ilə bağlı imzalanan bəyannamədə Hyustonla Bakının qardaşlaşmış şəhərlər olduğu qeyd edilir, bu münasibətlər çərçivəsində mədəniyyət və təhsil sahələrində təcrübə mübadiləsi həyata keçirildiyi və Bakı-Hyuston Qardaşlaşmış Şəhərlər Assosiasiyasının bu əməkdaşlıq əlaqələrinin qurulmasında böyük rol oynadığı vurğulanır. Bildirilir ki, Azərbaycan əsilli amerikalılar Texas ştatında regional müxtəlifliyə, mədəniyyətlərarası anlaşmaya, sülhə və rifaha töhfələr verən fəal icma kimi tanınır.

Bəyannamədə qeyd olunur ki, ABŞ-da yaşayan Azərbaycan icmasının nümayəndələri daxil olmaqla, dünyadakı milyonlarla azərbaycanlı Azərbaycan Xalq Cümhuriyyətinin yaranmasının növbəti ildönümünü qeyd edir və bununla əlaqədar 2022-ci ilin mayın 28-i Hyuston şəhərində Azərbaycan Müstəqillik Günü elan olunur.

Qeyd edək ki, Bəyannamə Bakı-Hyuston Qardaşlaşmış Şəhərlər Assosiasiyasının rəhbəri İradə Axundovanın təşəbbüsü ilə qəbul olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video