28 May 2022 02:13
1219
Təhsil
A- A+

Gəncə Dövlət Universitetində Məzun günü keçirilmişdir

 

Məzun gününə bu il universiteti bitirən yüzlərlə bakalavr və magistrlərlə yanaşı, 44 günlük Vətən müharibəsində qazi olmuş universitet tələbələri, həmçinin şəhid anaları da qatılmışdılar. İkiillik pandemiyadan sonra Məzun gününün keçirilməsi müəllim və tələbələrə böyük sevinc bəxş etmişdir.

Tədbir Dövlət himninin səsləndirilməsi ilə başlamışdır. Şəhidlərin xatirəsi bir dəqiqəlik sükutla yad edildikdən sonra söz universitetin rektoru, professor Yusif Yusibova verilmişdir. Rektor çıxış edərək bu il universitetdən 1928 tələbə və magistrin məzun olduğunu diqqətə çatdırmış, GDU-nun əldə etdiyi nailiyyətlərdən danışmışdır. 30 ilə yaxın işğal altında olan torpaqlarımızı azad etməklə böyük qələbənin qazanılmasında gənclərin rolundan söz açan natiq Vətən müharibəsində şəhid olan qəhrəmanlarımızın, o cümlədən GDU-nun 16 şəhid məzununun xatirəsinin daim əziz tutulduğunu qeyd etmişdir.

Sonra Gəncə Şəhər İcra Hakimiyyətinin başçısı Niyazi Bayramov çıxış edərək məzunları təbrik etmiş, onlara gələcək həyatlarında uğurlar və ölkəmizin daha da çiçəklənməsi naminə səy və bacarıqlarını əsirgəməməyi arzulamışdır. 

Türkiyənin Gəncədəki baş konsulu Zeki Öztürk, Milli Məclisin deputatı Pərvin Kərimzadə, şəhid anası Brilliyant Əsgərova, universitetin tələbəsi, 44 günlük Vətən müharibəsinin qazisi Tural Zeynalov və başqaları çıxış edərək məzunlara xoş arzularını bildirmişlər.

Sonra mükafatlandırma mərasimi olmuşdur. Universitetin ictimai-siyasi həyatında fəallıq göstərən, təhsildə fərqlənən bir qrup məzuna fəxri fərman təqdim edilmişdir. Məzunlar qonaqlarla xatirə şəkli çəkdirdikdən sonra böyük bayram konserti olmuşdur. Tədbir iştirakçıları universitet tələbələrinin ifasında səsləndirilən qəhrəmanlıq mahnılarını, eləcə də rəqs qrupu üzvlərinin çıxışlarını alqışlarla qarşılamışlar.

 

Sabir ƏLİYEV,

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video