27 May 2022 15:04
326
DÜNYA

“Forbes” rusiyalı milyarderlərin ən zəngin varislərinin reytinqini tərtib edib

“Forbes” jurnalı Rusiya biznesmenlərinin ən zəngin varislərinin siyahısını dərc edib.

AZƏRTAC xəbər verir ki, “Forbes” nəşrinin məlumatına görə, “Lukoyl” kompaniyasının ən böyük səhmdarı Vahid Ələkbərovun oğlu Yusif Ələkbərov ən varlı varis titulunu özündə saxlayır. Ekspertlər onun varidatını 21,4 milyard dollar həcmində qiymətləndirir.

Siyahıda ikinci yerdə “Yevroxim” və “SUEK” kompaniyalarının təsisçisi Andrey Melniçenkonun oğlu və qızı (hər biri 11,35 milyard dollardan çox), üçüncü yerdə isə “Sibura” və “Novatek” kompaniyalarının ortağı Leonid Mixelsonun varisləri (hər biri 11,35 milyard dollar) qərarlaşıb.

Novolipetsk metallurgiya kombinatının direktorlar şurasının sədri və əsas səhmdarı Vladimir Lisinin oğulları və qızı reytinqin dördüncü pilləsində yer alıb. Onun hər varisinin payı 8,3 milyard dollardır. Siyahıda ilk beşliyi isə “Telegram” platformasının qurucusu Pavel Durovun oğlu və qızı (hər biri 7,55 milyard dollar) tamamlayır.

“Forbes” jurnalının siyahısına hər bir varisinin ən azı 2,6 milyard dollara sahib olduğu 20 ailə daxil edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video