25 Iyun 2022 22:55
340
Mədəniyyət

Fəxriyyə Xələfova: Vətən, millət, dövlət və dövlətçilik qazimiz Həşim Mədətovun həyat kredosudur

Vətən müharibəsinin ikinci ilinin tamam olmasına az müddət qalmasına baxmayaraq, bu gün də qalibiyyətimiz, Zəfərimiz, bu Zəfərin qazanılmasında fədakarlıq göstərən Vətən oğulları və qızlarımız haqqında mövzular aktuallıq kəsb edir. Çünki bu qalibiyyəti gözləyən Azərbaycan xalqının sevinci hələ çox illər bundan sonra da davam edəcək və bu sevinc və qürur hissi davam etdikcə, bu mövzulara müraciət bitməyəcək. Vətən müharibəsi qəhrəmanları haqqında kitablar yazılacaq, dərsliklər çap olunacaq, mahnılar və biri-birindən gözəl bəstələr ərsəyə gələcək. Müzəffər Ali Baş Komandan İlham Əliyevin vaxtında verdiyi dəqiq və düzgün qərar xalqımıza Zəfər sevincini yaşatdı. Hər bir Azərbaycan vətəndaşı Müzəffər Ali Baş Komandanımızla, eləcə də vətənimizin azadlığı uğrunda canından, qanından keçən qəhrəmanımızla fəxr edir. Onlar milli kimliyimizi, qürurumuzu özümüzə qaytardılar. Dünya bizim birliyimizə, qəhrəmanlığımıza şahid oldu.

AZƏRTAC xəbər verir ki, bu fikirləri Əməkdar mədəniyyət işçisi Fəxriyyə Xələfova Vətən müharibəsi iştirakçısı, III qrup Qarabağ əlili, qazi Həşim Mədətovun “Qalibiyyətin səkkiz anı” kitabının təqdimat mərasimində deyib.

Qeyd edib ki, kitabda Həşim Mədətovun Vətən müharibəsi zamanı keçdiyi döyüş yolundan, müharibənin qaynar nöqtələrində olan gərgin anlardan, şahidi olduğu real hadisələrdən, gözünün önündə şəhadətə ucalan dostlarından, qazi yoldaşlarından və ən nəhayət, özünün Tanrının möcüzəsi nəticəsində sağ qalmağından bəhs olunur.

Müəlliflə qazilərimizə həsr olunmuş bir tədbirdə tanış olduğunu söyləyən F.Xələfova deyib: “Tədbirdə dövlət və hökumət nümayəndələrinin çıxışından sonra söz qazilərə verildi. Dərin məzmunlu və qürurverici çıxışı ilə diqqətimi çəkən bu gənclə tədbirdən sonra söhbətimiz oldu. Qısa dialoqumuz zamanı Vətən, millət, dövlət və dövlətçiliyin onun həyat kredosu olduğu diqqətimi çəkdi”.

F.Xələfova daha sonra bildirib ki, kitabın nəşr olunmasında əsas məqsəd gənclərdə vətənpərvərlik və vətəndaşlıq hisslərini yüksəltməkdir. O, nəşrin gənc nəslin dünyagörüşünün formalaşmasında və hərtərəfli inkişafında mühüm rol oynayacağına inamını ifadə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video