07 May 2022 00:09
468
Birinci vitse-prezident

Fərid Qayıbov: İşğaldan azad olunmuş digər ərazilərimizdə də idman yarışlarının təşkili planlaşdırılır 

 

Ümummilli lider Heydər Əliyevin anadan olmasının 99-cu ildönümü münasibətilə Suqovuşanda keçirilən avarçəkmə üzrə “Prezident kuboku-2022” reqatası Qarabağda təşkil edilən ilk yarışdır. Buna görə də bir nazir kimi mənim üçün çox sevindirici gündür.

AZƏRTAC xəbər verir ki, bunu gənclər və idman naziri Fərid Qayıbov Suqovuşanda təşkil edilən avarçəkmə üzrə “Prezident kuboku-2022” turniri çərçivəsində jurnalistlərə müsahibəsində deyib.

Reqatanın əsl idman bayramına çevrildiyini vurğulayan nazir deyib: “Bu mühüm turnir tərəfdaşlar və bütün könüllülər tərəfindən ən yüksək səviyyədə təşkil olunub. Bu münasibətlə bütün Azərbaycan idman ictimaiyyətini təbrik edirəm. Bu gün burada olmağımızın başlıca səbəbi Müzəffər Ali Baş Komandanımız İlham Əliyevin və rəşadətli Azərbaycan Ordusunun qazandığı Qələbə sayəsində torpaqlarımızın işğaldan azad olunmasıdır”.

Yarışlarda beş ölkənin təmsil olunduğunu vurğulayan nazir bildirib: “Turnirdə 5 ölkənin komandası – Azərbaycan, Özbəkistan, Gürcüstan, Türkiyə və Moldova təmsil olunur. Çünki yarışın təşkili barədə qərar qısa müddət ərzində qəbul olundu. Adətən idman təqvimi öncədən planlaşdırılır. İnanıram ki, bu tədbir ənənəyə çevriləcək. Növbəti illərdə iştirakçı komandaların sayının artacağına şübhə etmirəm. Bütün idmançılarımıza uğurlar arzulayıram”.

Nazir işğaldan azad olunmuş digər ərazilərdə də turnirin keçirilməsini Azərbaycan Avarçəkmə və Kanoe Federasiyası ilə müzakirə etdiklərini vurğulayıb: “İşğaldan azad olunmuş digər ərazilərimizdə də gələcəkdə idman yarışlarının təşkili planlaşdırılır. Federasiya ilə birlikdə bunu müzakirə edirik. Artıq müəyyən işlər görülür”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video