21 Yanvar 2022 11:34
693
DÜNYA
A- A+

Dünyada koronavirusa gündəlik yoluxma hallarında yeni antirekord qeydə alınıb

Son 24 saat ərzində dünyada koronavirusa 3,7 milyondan çox yoluxma halı qeydə alınıb, bu pandemiya başlayandan bəri ən yüksək gündəlik göstəricidir.

Bunu AZƏRTAC Ümumdünya Səhiyyə Təşkilatının (ÜST) dərc etdiyi məlumatlara əsasən bildirir.

Xatırladaq ki, əvvəlki antirekord yanvarın 12-də qeydə alınmışdı: 24 saat ərzində ÜST-yə 3 525 914 yoluxma halı barədə məlumat daxil olmuşdu. ÜST-nin statistikası dövlətlər tərəfindən təqdim edilən yoluxma və ölüm halları barədə yalnız rəsmi təsdiq edilmiş məlumatlar əsasında toplanır. Yoluxma hallarında 325 milyonluq hədd yanvarın 17-də, 300 milyonluq həddi isə yanvarın 8-də qeydə alınıb.

Məlumatları ÜST-yə daxil olan ən çox təsdiq edilmiş yoluxma halı - 67 437 353 ABŞ-da qeydə alınıb. Ondan sonra Hindistan (38 218 773), Braziliya (23 211 894), Böyük Britaniya (15 506 754) və Fransa (14 779 277) yer alıblar. Ən çox ölüm halı - 849 276 ABŞ-da qeydə alınıb, ikinci yerdə Braziliya (621 517), üçüncü yerdə isə Hindistan (487 693) qərarlaşıb. Daha sonra Rusiya (324 060) və Meksika (301 789) yer alıblar.

Hazırda Azərbaycanda koronavirus infeksiyasına 629 min 352 yoluxma halı qeydə alınıb, 8 min 564 nəfər həyatını itirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video