Dünya Şuşaya baxır
On yeddi ay bundan əvvəl əsirlikdə idin, Əziz Şuşa!
Erməni əsirliyində!
Susuz dəyirmana, odsuz ocağa bənzəyirdin!
Mərd igidlərin, başda baş Sərkərdələri İlham Əliyev olmaqla səni xilas etmək üçün ölüm-dirim savaşına atıldılar!
Keçilməz cığırlardan keçdilər, divar kimi yalçın qayalara dırmaşdılar!
Nə yoruldular, nə də qorxub dayandılar!
Murdar düşməni gözləmədiyi yerdə, gözləmədiyi gündə və saatda qəflətən yaxaladılar.
Əsgər xəncəri, əsgər lapatkası ilə döyüşdülər!
Mərmi və raket atmağa qıymadılar.
Axı sənin hər binan bir abidə, hər daşın bir tarixdir!
Onlar ziyan çəkə bilərdilər!
Bu yerlərdə yuva qurmağa çalışan murdar ləpirliləri iti qovan kimi qovdular!
Yenidən sənin paklığını, gözəlliyini özünə qaytardılar!
Bu qələbənin memarı və təşkilatçısı, Müzəffər Ali Baş Komandan İlham Əliyev "dəmir yumruğu"nu sıxaraq sənə gözaydınlığı verdi:
Əziz Şuşa, sən azadsan!
Əziz Şuşa, biz qayıtmışıq!
Əziz Şuşa, biz səni dirçəldəcəyik!
***
Şuşanın dirçəlişi günlərlə deyil, saatlarla baş verir.
Bu işdə Heydər Əliyev Fondunun Prezidenti Mehriban xanım Əliyeva da ən fəal iştirakçılardan oldu!
Qısa müddətdə qədim Şuşamız öz ənənəvi simasını bərpa etdi!
Cıdır düzündə Novruz tonqalı qalandı...
Bayram paxlavası, şəkərburası yeyildi...
Yenidən bərpa olunan Gövhər ağa məscidindən azan səsi ucaldı...
Qurumuş bulaqlardan su axdı...
Şuşanın dünyaca məşhur övladlarının güllələnmiş heykəlləri geri qaytarılaraq əbədi yerlərinə qoyuldu...
Cıdır düzündə keçirilən "Xarıbülbül" festivalında Azərbaycanda yaşayan bütün xalqların və millətlərin nümayəndələri milli geyimlərində çıxış edərək öz mahnılarını, musiqi və rəqslərini, birlik və həmrəyliklərini nümayiş etdirdilər.
Vaqifin yenicə bərpa olunmuş məqbərəsi önündə ənənəvi poeziya bayramı keçirildi.
Qardaş Türkiyənin Prezidenti Rəcəb Tayyib Ərdogan Şuşaya gələrək dostu və qardaşı İlham Əliyevlə Türkiyə-Azərbaycan dostluğunun strateji müttəfiqliyə çevrilməsinin təsdiqi sayılan Şuşa Bəyannaməsini imzaladılar!
Dostlar baxdı sevindi, düşmənlər kor oldu!
***
İndi isə azad Şuşa dünyanın hər yerindən bura gələrək Zəfər sevincini bölüşən övladlarını isti qoynuna alır!
Burada dünya azərbaycanlılarının növbəti - V qurultayı keçirilir.
44 günlük Zəfər müharibəsi dövründə özləri Yer kürəsinin ən müxtəlif yerlərində yaşasalar da, ürəkləri Azərbaycan Ordusunun, Azərbaycan əsgərinin yanında olan, sonsuz həyəcanla Vətən müharibəsinin bitəcəyini, qələbə cəngisinin çalınacağını gözləyən vətənsevərlər sevinclərini bölüşmək, minnətdarlıqlarını və təbriklərini çatdırmaq üçün qürur və iftixarla buraya toplaşmışlar!
Bu, xalqımızın milli birliyinin daha bir təsdiqidir!
Bu, hərb meydanını qələbə ilə bitirən dövlətimizin dünyaya sülh mesajıdır!
Bu, vətəndən uzaqda yaşayan soydaşlarımızın tükənməz vətən sevgisinin daha bir təntənəsidir!
Bu həm də Prezident İlham Əliyevin müdrik və uzaqgörən siyasətinin, diplomatiya və informasiya müharibəsindəki qələbəsinin bir daha nümayişidir!
***
Bu gün doğma diyara təşrif gətirmiş azərbaycanlılar dünyaya Şuşadan baxırlar!
Zəfər qalası Şuşadan!
Bütün şəhərlərin ən ucası Şuşadan!
Azərbaycanın mədəniyyət paytaxtı Şuşadan!
Müzəffər Ali Baş Komandan İlham Əliyevin 44 günlük Zəfər müharibəsi ilə azad etdiyi Şuşadan!
***
2020-ci ilin 8 noyabrına qədər biz Şuşaya kənardan, həsrətlə baxırdıq!
Bu doğma şəhərə nə səsimiz çatırdı, nə də əlimiz!
Heç Şuşanı geri qaytarmağa gücümüz də yox idi!
Nəhayət, Müzəffər Ali Baş Komandan İlham Əliyev "dəmir yumruğu"nun qüdrətini göstərdi!
Qəhrəman Azərbaycan əsgəri Şuşanı azad etdi.
İndi isə ermənilər Şuşaya uzaqdan, yana-yana baxırlar...
Biz növbəti tədbirimizi - Dünya Azərbaycanlılarının Zəfər qurultayını azad Şuşada qələbə sevinci, qürur və iftixar hissi ilə keçiririk!
Qurultay iştirakçıları həm də Cıdır düzündə qalanacaq Zəfər tonqalının işığına və istisinə toplaşırlar.
***
Bu gün dünya da Şuşaya baxır...
Azərbaycan xalqının, Azərbaycan diasporunun nümayəndələri mədəniyyət paytaxtı Şuşaya toplaşaraq qürurla, ucadan bəyan edirlər:
Biz Azərbaycanlılarıq!
Biz Vətənsevərlərik!
Biz qalib xalqın təmsilçiləriyik!
Biz sülh və əməkdaşlıq tərəfdarıyıq!
Eyni zamanda:
* İşğalçı ordunu məhv etməyi;
* Xain düşmənləri Vətəndən qovmağı;
* Torpaqlarımızı qorumağı;
* Vətənimizi tikib-quraraq cənnətə çevirməyi;
* Dosta mehriban, düşmənə qənim olmağı;
* "Dəmir yumruq" ətrafında hər an sıx birləşməyi də bacarırıq!
Biz qaliblərik!
Qarabağ Azərbaycandır!
Bəxtiyar SADIQOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Buraxılış tarixi on beş ildən çox olan avtomobillər taksi kimi fəaliyyət göstərə bilməyəcəklər...
28 Mart
“The Nation” qəzeti: ABŞ söz və fikir azadlığını qoruduğunu bildirir, lakin jurnalistlərin qətlinin ...
28 Mart
Türkiyə Silahlı Qüvvələri son bir həftədə 38 terrorçunu zərərsizləşdirib
28 Mart
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur
28 Mart
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!