“Dəmir yumruğ"un qətiyyətli və sarsıdıcı cavabı
Düşmən toparlanmaq istəyir.
Düşmən özünə gələrək qüvvətlənmək istəyir.
Düşmən havadarlarına güvənərək qisas almaq istəyir.
Amma yenə unudur:
* İlham Əliyevin Azərbaycanı 90-cı illərin Azərbaycanı deyil!
* İlham Əliyevin qurduğu möhtəşəm ordu 90-cı illərdəki özünümüdafiə batalyonlarına bənzəmir!
* Azərbaycan Ordusunun indiki silahları 90-cı illərin köhnə-kürüş silahlarından deyil!
* Azərbaycan gəncləri də yeni təfəkkürlü, yüksək hərbi hazırlıqlı, yalın əllə Şuşanı azad edənlərdir!
Belə qəhrəmanların qarşısında dağ da dayanmaz, nəinki dılğır, onun-bunun arxasında gizlənərək güllə atan ermənilər…
Bəli, düşmən atəşkəsi pozdu!
Bəli, düşmən sülh müqaviləsini imzalamaq istəmir!
Bəli, düşmən Rusiyanın iştirakı ilə qol çəkdiyi üçtərəfli Bəyanatı saya salmır!
Nəticəsi nədir?!
* Torpaqlarımızdan it kimi qovulub!
* Ordusu məhv edilərək özü diz çökdürülüb!
* Yaxınlarda keçirilən “Qisas” əməliyyatı zamanı 44 günlük Vətən müharibəsindəki kimi başı yenidən “dəmir yumruq”la əzildi!
Verilən dərslər, görünür, azlıq edir!
Sentyabrın 12-dən 13-nə keçən gecə yenidən ürəklənərək atəşkəsi pozdu!
Bu dəfə də “dəmir yumruğ”u başı üzərində gördü:
Təkcə başı əzilmədi, həm də Azərbaycan Ordusundan növbəti dəfə qətiyyətli və sarsıdıcı zərbə aldı:
* Budəfəki zəruri hərbi əməliyyat da yüksək peşəkarlıqla həyata keçirildi, əsas hədəflərə nail olundu;
* Ermənistanın Azərbaycanla sərhəddə - Laçın, Kəlbəcər və Zəngilan istiqamətində qurduğu bütün hərbi təyinatlı obyektlər darmadağın edildi;
* Azərbaycan Ordusunun ərazidəki bütün əsas nəqliyyat - kommunikasiya nöqtələrinə nəzarəti təmin olundu;
* Ölkəmizin sərhədlərində yaradılaraq hərbi hissələrimizin mövqeyinə təhdid və təhlükə törədə biləcək bütün strateji nöqtələr nəzarətə götürüldü;
* Azərbaycan Ordusunun mövqelərini hədəfə alan Ermənistanın bütün hərbi nöqtələri şəxsi heyətlə birlikdə məhv edildi;
* "Dəmir yumruğ"un cavab zərbəsi nəticəsində Ermənistanın daha 200-dək hərbçisi cəhənnəmə vasil oldu;
* Düşmənin xeyli sayda hərbi texnikası, yüz milyonlarla dollardan artıq dəyəri olan iki S-300 raketi, onlarca postu məhv edildi, yüzlərlə hərbçisi yaralanaraq sıradan çıxarıldı.
Bu dəfə də Ermənistana əyani dərs verildi!
Ermənistanın hərbi-siyasi rəhbərliyi və müdafiəçiləri gördülər ki, Azərbaycanın mövqeyi qəti, "dəmir yumruğ"u daim hazır vəziyyətdədir!
Heç kəs bizim səbrimizi sınağa çəkməsin!
Kimsə bizim nədənsə qorxub çəkinəcəyimizi, mövqeyimizin yumşalacağını güman etməsin!
Hər bir revanşizm cəhdi Ermənistanın öz başında çatlayacaq, ona bağışlanan silahları, zirehli texnikası məhv ediləcək, canlı qüvvəsi o dünyaya göndəriləcək!
Azərbaycan II Qarabağ müharibəsindən Zəfərlə çıxmış qalib dövlətdir!
Azərbaycan ərazi bütövlüyünü bərpa edərək torpaqlarını qorumağa qadir dövlətdir!
Azərbaycanın qəhrəman Ordusu, Vətən uğrunda hər an canından keçməyə hazır igid övladları, ən müasir silahları, İlham Əliyev kimi Müzəffər Ali Baş Komandanı vardır!
Düşmən bütün bunları unutmasın!
Unutsa, dərhal "dəmir yumruq" yenidən yaddaşını təzələyəcəkdir!
Bəxtiyar SADIQOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addım...
29 Mart
Ermənistan Teleradio Şəbəkəsinin direktoru istefa verib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!