27 May 2022 17:46
295
DÜNYA

Daxili terrorizmi hədəf alan qanun layihəsi Senatda qəbul edilməyib

Son həftə ərzində Nyu-Yorkdakı ərzaq mağazası və Texasın ibtidai məktəbində baş vermiş atışmadan sonra ABŞ Konqresində federal hüquq-mühafizə orqanlarında daxili terror idarələrinin yaradılması haqqında qanun layihəsi irəli sürülüb.

AZƏRTAC xəbər verir ki, qanun layihəsi ABŞ Konqresinin Nümayəndələr Palatasından keçsə də, Senatda qəbul edilməyib. Senatda “Daxili Terrorizmin Qarşısının Alınması Aktı” ilə bağlı 47 senator lehinə, 47 nəfər isə əleyhinə səs verib. Respublikaçı senatorun heç biri qanun layihəsinin lehinə səs verməyib.

Demokratların Senatdakı lideri senator Çak Şumer həmin qanun layihəsini gələcəkdə yenidən səsverməyə çıxarmağa imkan verən prosessual qaydanı tətbiq etmək üçün layihənin əleyhinə səs verib.

Senatdakı səsvermə Texas ştatının Yuvalde şəhərindəki ibtidai məktəbdə 18 yaşlı silahlının atəş açaraq 19 şagird və iki müəllimi qətlə yetirməsindən sonra baş verib. Qanun layihəsi ilk olaraq Nyu-Yorkun Buffalo şəhərindəki ərzaq mağazasında silahlı şəxsin nifrət əsasında 10 nəfəri öldürməsindən bir neçə gün sonra Nümayəndələr Palatasında qəbul edilib. Qanun layihəsi xüsusi olaraq daxili terrorizmi izləmək, təhlil etmək, araşdırmaq və mühakimə etmək üçün Daxili Təhlükəsizlik və Ədliyyə nazirliklərinin, eləcə də Federal Təhlükəsizlik Bürosunun daxilində xüsusi idarələrin yaradılmasını nəzərdə tutur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video