Çinin ingilisdilli “China Daily” qəzeti Heydər Əliyev Fondunun, IDEA İctimai Birliyinin və Azərbaycanın Almaniyadakı səfirliyinin birgə təşkilatçılığı ilə Berlindəki Azərbaycan Mədəniyyət Mərkəzində keçirilmiş MAMA “Ana təbiət” beynəlxalq incəsənət sərgisi barədə məqalə yayıb.
Çinin nüfuzlu nəşri sıx əməkdaşlıq etdiyi AZƏRTAC-ın təqdim etdiyi materiala istinad edərək, daha əvvəl bir neçə ölkədə uğurla həyata keçirilən bu mədəniyyət layihəsinin təbiət və insanlıq arasında bənzərsiz əlaqənin və vəhdətin təbliğinə xidmət etdiyini yazıb.Qeyd olunub ki, sərginin açılış mərasimində Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva çıxış edərək, MAMA “Ana təbiət” sərgisində 31 ölkədən 54 rəssamın əsərlərinin təqdim olunduğunu vurğulayıb, bu əsərlərin incəsənətin sərhədləri aşaraq təbiəti qorumaq istəyinin ifadəçisi olduğunu bildirib.
Nəşr yazır ki, Bakıda başlayan layihə Bəhreyn, London, Roma və Tbilisidə təqdim olunub.
Bildirilib ki, IDEA İctimai Birliyinin təşəbbüsü ilə həm Azərbaycanda, həm də dünyanın müxtəlif yerlərində bir milyondan çox ağac əkilib, nadir heyvan növlərinin qorunması, məktəb və universitetlərdə tələbələrə təbiətin mühafizəsinin vacibliyinin təbliği istiqamətində layihələr icra olunur.
Qeyd olunub ki, MAMA “Ana təbiət” beynəlxalq incəsənət layihəsi Azərbaycan da daxil olmaqla, 31 ölkədən - ABŞ, Almaniya, Böyük Britaniya, Braziliya, Cənubi Koreya, Gürcüstan, Hindistan, İspaniya, İsrail, Latviya, Pakistan, Rusiya, Türkiyə, Ukrayna və digərlərindən fərqli sənətkarları bir araya gətirərək incəsənət vasitəsilə planetimizi gələcək nəsillər üçün qorumağa çağırır.
Məqalədə Leyla Əliyeva və Arzu Əliyevanı “Q” Berlin İncəsənət Qalereyasında istedadlı azərbaycanlı heykəltaraş, Aprel döyüşlərində şəhidlik zirvəsinə ucalmış Samir Kaçayevin “Yarımçıq qalmış, lakin əbədi” adlı sərgisinin açılışında da iştirak etdikləri bildirilib.
jpg_1765112781.jpg)
