20 Yanvar 2022 21:56
815
CƏMİYYƏT
A- A+

Barselona Azərbaycan Evində 20 Yanvara həsr olunmuş anım tədbiri təşkil edilib

İspaniyanın Barselona şəhərində 20 Yanvar faciəsinin 32-ci ildönümü ilə əlaqədar anım tədbiri keçirilib.

Diasporla İş üzrə Dövlət Komitəsindən AZƏRTAC-a bildirilib ki, “Barselonadakı Azərbaycanlılar Cəmiyyəti”nin və Barselona Azərbaycan Evinin təşkilatçılığı ilə baş tutan anım tədbirində soydaşlarımız və yerli ictimaiyyətin nümayəndələri iştirak ediblər. Azərbaycanın Dövlət Himninin səsləndirilməsi ilə başlayan tədbirdə 20 Yanvar şəhidlərinin əziz xatirəsi bir dəqiqəlik sükutla yad edilib.

Tədbirdə çıxış edən “Barselonadakı Azərbaycanlılar Cəmiyyəti”nin sədri, Barselona Azərbaycan Evinin rəhbəri Kərim Kərimov və başqaları 32 il öncə baş verən hadisələrə ekskurs edərək, SSRİ rəhbərliyinin sovet vətəndaşları olan azərbaycanlılara qarşı törətdiyi dəhşətli cinayəti xalqımızın ədalətli və haqlı səsinin boğulmasına qəsd kimi qiymətləndiriblər. Bildirilib ki, hətta bu qorxunc addım belə ölkəsinin ərazi bütövlüyünün təmin olunmasını tələb edən xalqımızın azadlıq və müstəqillik ruhunu sarsıda bilməyib. Məşəqqətli və mürəkkəb proseslər Azərbaycanın dövlət müstəqilliyinin bərqərar olması ilə nəticələnib. Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə Qarabağın erməni işğalından azad olunması və ölkəmizin ərazi bütövlüyünün bərpa edilməsi xalqımızın ləyaqətini özünə qaytarıb, 20 Yanvar şəhidlərinin ruhunu şad edib.

Sonra 20 Yanvar hadisələrindən bəhs edən sənədli film və Azərbaycan Prezidenti İlham Əliyevin Şəhidlər xiyabanından çıxışı nümayiş olunub.

Tədbir çərçivəsində 20 Yanvar hadisələrini əks etdirən anım guşəsi təşkil edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video