28 Sentyabr 2022 18:33
226
DÜNYA
A- A+

Avropa İttifaqı magistral boru kəmərlərinin zədələnməsindən narahatdır

 

Avropa İttifaqının (Aİ) rəsmi şəxsləri həm açıq, həm də pərdəarxası şəkildə belə bir fikir bildirirlər ki, “Şimal axını-1” və “Şimal axını-2” təbii qaz boru kəmərlərində dünənki sızma əvvəlcədən düşünülmüş diversiyanın nəticəsidir.

AZƏRTAC xəbər verir ki, bu mövzu bu gün Avropanın bütün aparıcı nəşrlərinin gündəliyindədir.

Sosial şəbəkələr də çap nəşrlərindən geri qalmır. Məsələn, Avropa İttifaqı Şurasının prezidenti Şarl Mişel özünün tviterdəki mikrobloqunda “Şimal axını”ndakı qaz sızmasını Avropa İttifaqı ölkələrinə enerji tədarükünün sabitliyini daha da pozmaq məqsədi güdən sabotajın nəticəsi hesab edir. Ş.Mişel yazıb: “Biz təcili və mükəmməl təhqiqat aparmalıyıq. Təqsirkarlar tam məsuliyyət daşıyacaq və baş verənlərin zərərini ödəyəcəklər. Rusiya qazından imtina etmək imkanı verən enerji tədarükünü şaxələndirmək cəhdlərimiz davam edəcək”.

Aİ-nin xarici işlər və təhlükəsizlik siyasəti üzrə ali nümayəndəsi Jozep Borrel isə, öz növbəsində, bildirib ki, əldə olunan məlumatlar bunun əvvəlcədən düşünülmüş hərəkətlərin nəticəsi olduğunu göstərir. O deyib: “Biz bu insidentlərin səbəblərini və şəraitini ətraflı surətdə aydınlaşdırmağa imkan verən təhqiqata hər cür dəstək göstərəcəyik”.

Siyasətçilər ümid edirlər ki, təhqiqatın nəticələrinə əsasən Avropa İttifaqı əlaqələndirilmiş cavab verəcək və enerji təhlükəsizliyinin dayanıqlılığının gücləndirilməsi üçün sonrakı addımları atacaq. Bununla yanaşı, onlar ehtiyatlı mövqe tutur, qaz kəmərlərinin zədələnməsində kimin təqsirkar ola biləcəyi barədə ehtimalları dilə gətirmirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video