11 Avqust 2022 23:19
551
SİYASƏT
A- A+

Ankarada keçirilən Səfirlər Konfransı başa çatıb  

 

Türkiyə Xarici İşlər Nazirliyinin təşkilatçılığı ilə avqustun 8-də Ankara şəhərində rəsmi açılışı keçirilən “2023-Müdrik və mərhəmətli türk diplomatiyası” mövzusunda XIII Səfirlər Konfransı yekunlaşıb.

AZƏRTAC xəbər verir ki, Türkiyənin xarici işlər naziri Mövlud Çavuşoğlu konfransın nəticələri ilə bağlı avqustun 11-də Ankarada mətbuat konfransı keçirib, jurnalistləri maraqlandıran sualları cavablandırıb.

Xatırladaq ki, konfrans çərçivəsində çıxış edən xarici işlər naziri Ceyhun Bayramov Azərbaycan-Türkiyə müttəfiqliyi, iki qardaş ölkənin ortaq diplomatik fəaliyyətinin hədəfləri, qarşıda duran vəzifələr barədə iştirakçılara müfəssəl məlumat verib.

Şimali Kipr Türk Respublikasının Prezidenti Ersin Tatar, Sloveniyanın Prezidenti Borut Pahor, ATƏT-in Baş katibi Helqa Maria Şmid və digər xarici qonaqlar, o cümlədən Türkiyə hökumət üzvləri səfirlər konfransında çıxış ediblər.

Qeyd edək ki, ənənəvi səfirlər konfransı Türkiyə və regionu maraqlandıran hadisələri, mövcud çağırışları və imkanları müzakirə etmək baxımından mühüm platforma olacaq. Tədbir çərçivəsində aparılacaq müzakirələr xarici siyasət kontekstində daxili planlar hazırlamaq və qurumlararası koordinasiya yaratmağa töhfə verməklə yanaşı, xalq diplomatiyası baxımından da mühüm rol oynayır.

Sabir Şahtaxtı

AZƏRTAC-ın xüsusi müxbiri

Ankara

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video