28 Sentyabr 2022 11:45
521
DÜNYA
A- A+

ABŞ Avropa İttifaqı ölkələrini Ukraynaya maliyyə yardımını sürətləndirməyə çağırıb  

 

Ağ ev Avropanın Kiyevə göstərdiyi iqtisadi yardımının tempindən narazıdır və buna görə də Brüsseli vəsaitlərin ayrılmasını sürətləndirməyə və dəstəyin həcmini artırmağa sövq etməyə çalışır.

AZƏRTAC xəbər verir ki, “Financial Times” qəzeti bu barədə ABŞ administrasiyasında və Avropa İttifaqında olan mənbələrinə istinadla məlumat yayıb.

Məlumatda Vaşinqtonun “Ukraynaya vəd edilən iqtisadi yardımın operativ çatdırılması” məsələsində Avropa Komissiyası və Avropa İttifaqına üzv ölkələrlə tez-tez əlaqə saxladığı deyilir.

“Biz Kiyevin bütün tərəfdaşlarını vəd edilən yardımı Ukraynaya daha tez çatdırmağa, öhdəliklərini artırmağa və kreditlər əvəzinə qrant şəklində yardım ayırmasına çağırırıq”, – deyə adının açıqlanmasını istəməyən mənbə bildirib. ABŞ administrasiyasının nümayəndələri BMT Baş Assambleyasının sessiyası çərçivəsində avropalı həmkarları ilə görüşlər keçirib və onları Kiyevə vəsaitin ayrılmasını gecikdirən maneələri aradan qaldırmağa çağırıb.

Qəzetin məlumatına əsasən, Vaşinqton Kiyevə 8,5 milyard dollar həcmində yardım edib və daha 4,5 milyard dollar qrant ayırmaq üçün konqresə sorğu göndərib. Brüssel isə may ayında öhdəsinə götürdüyü 9 milyard avrodan 1 milyardını ödəyib və yaxın zamanda Kiyevə 5 milyard avro ayırmağa hazır olduğunu, qalan 3 milyard avronu isə ilin sonunadək köçürəcəyini bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video