26 May 2022 23:18
338
İDMAN

Abdullah Al Hammadi: Bakı güllə və stend atıcılığı üzrə dünya kuboku yarışına tam hazırdır 

 

Bakı Atıcılıq Mərkəzində keçiriləcək güllə və stend atıcılığı üzrə dünya kuboku yarışına hazırlıq uğurla davam edir. Azərbaycan mötəbər yarışa tam hazırdır və dünya kuboku yarışının iştirakçıları üçün mərkəzdə yüksək səviyyəli şərait yaradılıb.

Bu sözləri Bakı Atıcılıq Mərkəzində dünya kuboku yarışına hazırlıqla bağlı keçirilən brifinqdə turnirin texniki nümayəndəsi Abdullah Al Hammadi jurnalistlərə deyib. O qeyd edib ki, bu mötəbər yarışda 66 ölkədən 701 idmançı və 331 nümayəndənin iştirakı nəzərdə tutulub.

Abdullah Al Hammadi Bakıda keçiriləcək turnirdə atıcılıq idmanı qaydalarına sınaq dəyişikliklər ediləcəyini vurğulayıb. Bildirib ki, Beynəlxalq Atıcılıq İdmanı Federasiyası İtaliyanın Lonato şəhərində keçirilən dünya kuboku yarışından sonra stend atıcılığı üzrə mövcud qaydaların optimallaşdırılması ilə bağlı bir neçə təklif alıb. Təkliflərin məqsədi yarışları bütün iştirakçılar üçün daha ədalətli və aydın, tamaşaçılar üçün cəlbedici etməkdir. Xüsusilə, VAR, heyətlərin püşkatması və marker lenti qaydaları diqqətdədir. Təkliflər Azərbaycanın paytaxtındakı turnirdə sınaqdan keçiriləcək. Sınaqların nəticəsindən asılı olaraq, 2024-cü il Paris Olimpiya Oyunları başlamazdan əvvəl müvafiq qaydalara dəyişikliklər edilə bilər.

Qeyd edək ki, turnir mayın 29-dan iyunun 7-dək davam edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video