50 ildir bağbanlıq edir
Hörmətli redaksiya! Sizə bu məktubumda öz halal əməyi ilə el-obanın hörmətini qazanmış Şıxəli Kazımovdan danışmaq istəyirəm. Şıxəli kişinin 76 yaşı var. Yaşadığı Lənkəranın Sütəmurdov kəndində ömrünün 50 ildən çoxunu bağbanlığa həsr edib. Onun bağında 30 növ olmaqla 500-ə yaxın meyvə ağacı var. Bu ağacların hamısını Şıxəli kişi özü əkib becərib. Palçığı ələyir, sonra da sitrus tinglərini polietilen qablara əkir. Deyir ki, tinglər polietilen qablarda daha tez inkişaf edir və yaxşı satılır.
Şıxəli kişi sitrus bitkilərinin calağında calaqaltı kimi əsasən cır limondan istifadə edir. Onun sözlərinə görə, belə olanda calaq daha yaxşı tutur: "İyul-avqust aylarında calaq edirik. Yazda isə kəsirik, pöhrə verir. Payızda artıq əkinə yararlı olur. Kəsəndə də fikir veririk ki, tutub, yoxsa yox. Tutmayıbsa, qalır növbəti ilə".
Təcrübəli bağban sitrusdan başqa, yerli meyvələrdən armud, alma, gavalı və şaftalının da tinglərini calaq edir. Yaxın-uzaq yaşayış məntəqələrinin sakinləri ağac tingləri üçün məhz Şıxəli kişiyə müraciət edirlər. O da öz növbəsində heç kəsi əliboş qaytarmır. "Ehtiyacı olan gəlir, kömək edirəm. Bax, bu armud tingləri dözümlü və uzunömürlüdür. Armud armuda calaq olunur. Narazı deyiləm, adamların alıcılıq qabiliyyəti qənaətbəxşdir. Çörək pulumu çıxarıram, bəzən artıq da qalır. İndi payız fəsli olduğundan alıcılar daha çox gəlirlər", - deyə Şıxəli Kazımov bildirir.
Bir sözlə, Şıxəli kişi işinin əsl peşəkarıdır. Bu gün hansı növ meyvə ağacına tələbat varsa, onu yetişdirməyə üstünlük verir. Bu, onun üçün həm mənəvi zövq, həm də qazanc mənbəyidir.
Sehran YƏDULLAOĞLU,
Lənkəran rayonu
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mədəniyyət naziri Birləşmiş Ərəb Əmirliklərindən olan həmkarı ilə görüşüb
20 Aprel
Azərbaycan BMT ilə əlaqələri və COP29 çərçivəsində əməkdaşlığı müzakirə edib
20 Aprel
I Türk Dövlətləri Kardioloji Qurultayı ölkələrin tibb icmaları arasında əlaqələrin yeni mərhələyə ke...
20 Aprel
Ötən gün Xankəndi şəhərində 7 avtomat silahı və digər sursatlar aşkarlanaraq götürülüb ...
20 Aprel
Ərəb mediası Ermənistanın 4 kəndi Azərbaycana qaytarması barədə xəbərlər dərc edib
20 Aprel
COP29-un Prezidenti: İqlim dəyişikliyi ilə mübarizədə maliyyə məsələsinin Azərbaycanda geniş müzakir...
20 Aprel
Nəsibə Zeynalovanın anadan olmasının 108-ci ildönümü tamam olur
20 Aprel
Azərbaycan neftinin qiyməti artıb
20 Aprel
Beynəlxalq Valyuta Fondu COP29-a ev sahibliyi çərçivəsində Azərbaycana dəstək göstərməyə hazırdır ...
20 Aprel
Azərbaycan-Özbəkistan ədəbi-mədəni əlaqələri ortaq tarixi keçmişə əsaslanır - dəyirmi masa ...
20 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!