Alternative content

06:41 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ali Baş Komandana və qüdrətli ordumuza güvənirik
Ali Baş Komandana və qüdrətli ordumuza güvənirik
ANA SƏHİFƏ / Oxucu məktubları
01:06 18.06.2016

 

Türk dünyasına düşmən kəsilən ermənilər keçən əsrin 80-ci illərinin sonunda bizi ata-baba yurdumuzdan zorla, silah gücünə dərbədər saldılar. Qaçqın düşüb Füzuli rayonunun Hoğa kəndinə gəldik. Orada məskunlaşmaq fikrində idik. Ətraf kəndlərdə düşmənlərimiz yaşayırdı. Haradansa bir top və bir PDM tapıb gətirdilər ki, kəndi müdafiə etsinlər. Nə top atmağa, nə də PDM-i idarə etməyə adam tapıldı. Düşmən qarşısına çıxarmağa nizami ordumuz olmadığı üçün mövqelər əldən verildi. Yenicə başladığımız qaçqınlıq həyatından bu dəfə məcburi köçkün düşdük: İsmayıllı rayonu ərazisində məskunlaşdıq.

Bu gün ordumuzun necə qüdrətli, döyüşkən, torpaqlarımızı azad etməyə qadir olduğunu görüb qürur duyuram. Aprel ayının 2-dən 5-dək davam edən döyüşlər göstərdi ki, ordumuz işğalçını yerində oturtmağa, Qarabağı azad etməyə qadirdir. İndi Azərbaycanın yüksək beynəlxalq standartlara cavab verən ordusu var. Şuşa köçkün məktəbinin müəllimiyəm. Bütün fəaliyyətimiz ona yönəlib ki, əsl vətənpərvər, yüksək bilikli gənclər yetişdirək, onları hərbi peşələrə yönəldək.

Ali Baş Komandanın qətiyyəti və ordumuzun bugünkü səviyyəsinə əsaslanıb bir daha yəqin edirik ki, böyük Qələbəyə lap yaxın zamanlarda çatacağıq.

 

Məmmədxan ALMURADOV,

Şuşa rayonunun İsmayıllıdakı tam  orta məktəbinin müəllimi