Uğur olsun, Fərid!
Milli Ordumuzun zabiti, gənc leytenant Fərid Rakif oğlu Vahidov gözümüzün qabağında böyüyüb. 1991-ci ildə Salyan şəhərində anadan olub, 2006-cı ilədək burada - ata ocağında boy atıb, təhsil alıb. İndi həmin günləri yaxşı xatırlayıram: oğlanlı-qızlı bir dəstə uşaq yaşadığımız binanın başına dolanıb əsgəri addımlarla yeriyir və xorla məşhur hərbi marşı tez-tez oxuyurdular:
...Marş, irəli! Marş, irəli!
Azərbaycan əsgəri!
Dönməz geri, dönməz geri
Azərbaycan əsgəri!
Həmin uşaqların arasında balaca Fərid də vardı. Anası Sədaqət xanım hələ o zamanlar danışırdı ki, Fərid gecə yuxuda da bu mahnını oxuyurdu. Kim bilir, hərbçi olmaq arzusu onun qəlbində bəlkə elə o vaxtdan yuva salmışdı. Təhsil aldığı Salyan şəhər internat məktəbində həyata keçirilən ictimai işlərdə fərqlənən, “Şahinlər” hərbi-idman oyununda xüsusi məharət göstərən Fərid dərslərindən də əla qiymətlər alır, nümunəvi davranışı ilə seçilir, vətən mövzusunda inşalarda dönə-dönə “mən hərbçi olacağam, xalqımızın haqq işi uğrunda döyüşəcəyəm” yazırdı. Valideynləri də Fəridin bu arzusundan qürur duyur, ona qol-qanad verirdilər.
Ataların belə bir sözü var: niyyətin hara, mənzilin ora. 2006-cı ildə Cəmşid Naxçıvanski adına hərbi liseyə daxil olan F.Vahidov 2009-cu ildə oranı uğurla bitirib sənədlərini ali hərbi məktəbə verdi və qəbul olundu. 2013-cü ildə ali məktəbi leytenant rütbəsi ilə bitirərək “N” saylı hərbi hissədə xidmətə başladı.
Çalışdığı hərbi hissədə böyük hörmət qazanıb. Əsgərlər ona komandir kimi sayğı göstərməkdən başqa, həm də özlərinə böyük qardaş, dost bilirlər. Elə Fərid də tabeliyində olan əsgərləri öz qardaşları hesab edir.
Bu il aprelin əvvəlində cəbhə bölgəsində baş verən təxribat bir hərbçi kimi F.Vahidova da dərindən təsir etmişdi. Həmin günlərdə ordumuzun qazandığı uğurlar gənc hərbçidə vətənimizin işğal altında olan torpaqlarının azad olunacağı günə inamını daha da artırmışdı. Həmin günlərdə ailə üzvləri ilə telefon əlaqəsi saxlayan Fərid atasından xahiş etmişdi ki, Salyandakı evlərinin küçəyə baxan pəncərəsindən Azərbaycanın üçrəngli dövlət bayrağını assın. Atası Rakif kişi elə də edib. İndi o gündən bayraq orada dalğalanır. Mən bu bayrağa baxanda sanki Fəridi görürəm. Balacalığından tanıdığım gənc zabit gözlərim önündə belə canlanır: əsgərlərinə təlim verir, onlara vətən və xalq qarşısındakı müqəddəs borcdan söz açır, önə çıxıb onları döyüşə, yeni qələbələrə aparır. Qulaqlarımda yenə o marş səslənir: “Marş, irəli! Marş, irəli! Azərbaycan əsgəri!”
Gülzar HÜSEYNOVA,
Salyan şəhər 1 saylı orta məktəbin müəllimi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
NATO İspaniyada üçüncü hərbi-dəniz bazasını yerləşdirir
29 Mart
Qubada III Aqrobiznesin İnkişafı Forumu keçirilir - YENİLƏNİB
29 Mart
Donald Tusk Ukrayna müharibəsinin uzanacağını güman edir
29 Mart
Füzulidə daha 35 ailəyə mənzillərinin açarları təqdim olunub - YENİLƏNİB
29 Mart
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!