13 Iyun 2016 03:06
852
Turizm
A- A+

Ölkəmiz Seulda keçirilən “KOTFA” beynəlxalq turizm sərgisində mükafatlandırılıb

Xəbər verdiyimiz kimi, Mədəniyyət və Turizm Nazirliyi iyunun 9-dan 12-dək Koreya Respublikasının Seul şəhərində keçirilən “KOTFA 2016” beynəlxalq turizm sərgisində iştirak edib. Sözügedən sərgidə ölkəmizi Mədəniyyət və Turizm Nazirliyinin nümayəndə heyəti ilə yanaşı, “Silk Way travel” və “Geo-travel” turizm şirkətləri təmsil edib.

Nazirlikdən AZƏRTAC-a bildirilib ki, beynəlxalq sərgidə ölkəmizin turizm imkanlarını əks etdirən 27 kvadratmetr sahəsi olan milli stenddə mədəniyyətimiz, tariximiz, eləcə də, ölkəmizin görməli yerləri haqqında Koreya və ingilis dillərində müxtəlif növ reklam-çap məhsulları və videoçarxlar nümayiş olunub.

İyunun 12-də Azərbaycan-Koreya Hökumətlərarası Komissiyasının ilk iclasında iştirak məqsədilə bu ölkəyə səfər edən mədəniyyət və turizm nazirinin müavini Nazim Səmədov sərgini ziyarət edib. Sərgidə ölkəmizin turizm potensialının Koreya Respublikasında daha da geniş tanıdılması məqsədilə bu ölkənin bir sıra şirkətləri ilə görüşlər keçirilib.

Sərginin yekununda təşkilatçılar tərəfindən sərginin işində fəal iştirak etmiş ölkələr və şirkətlər mükafatlandırılıb. Belə ki, sərgidə Koreya və ingilis dillərində 20-dən çox adda turizmin təbliği üzrə reklam-çap məhsulları ilə iştirak edən ölkəmiz “Ən yaxşı turizm nəşrləri” mükafatına layiq görülüb.

Keçirilmiş mükafatlandırma mərasimində mükafatı Koreya Beynəlxalq Turizm Sərgisinin sədri Shin Jung Mok təqdim edib.

Qeyd edək ki, Koreya Respublikası turizm baxımından ölkəmiz üçün prioritet olan ölkələr sırasındadır və bu ölkədən Azərbaycanı ziyarət edən turistlərin dinamikası artmaqdadır.

Cənub-Şərqi Asiya regionun ən böyük turizm sərgilərindən olan “KOTFA” sərgisində ölkəmiz artiq 4-cü dəfədir ki, təmsil olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video