Alternative content

20:29 18 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Formula-1” Avropa Qran-pri yarışlarını izləyəcək turistləri Azərbaycanda bir sıra yeniliklər gözləyir
“Formula-1” Avropa Qran-pri yarışlarını izləyəcək turistləri Azərbaycanda bir sıra yeniliklər gözləyir
ANA SƏHİFƏ / Turizm
02:06 11.06.2016

Bir neçə gündən sonra Bakıda keçiriləcək “Formula-1” Avropa Qran-pri yarışlarına turizm sektoru da ciddi hazırlaşır. Qonaqları məmnun edəcək hazırlıqlar və ümumiyyətlə yay turizm mövsümü ilə bağlı Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin müdiri Vüqar Şixəmmədov AZƏRTAC-a məlumat verib.

O, deyib: “ “Formula-1” yarışlarından əvvəl və sonra paytaxta yaxın ərazilərdə olan qoruqlara, abidələrə turlar təşkil ediləcək. Artıq bütün mədəniyyət müəssisələri tərəfindən iyunun 14-dən 21-dək mədəniyyət proqramları hazırlanıb. Turistlərin Bakıda şəhər gəzintisini təmin etmək məqsədilə yeni avtobuslar da alınıb. Üç avtobus və 3 mikro avtobus qonaqların xidmətində olacaq”

Onun sözlərinə görə həm paytaxt Bakı, həm də bölgələr üzrə turizm sektoru mövsümə tam hazırdır. Şimal istiqamətində “Şahdağ” Turizm Mərkəzinin yay turizm imkanlarından da turistlər istifadə edə biləcəklər. Bu il müəyyən fasilədən sonra həm yay idman növləri, həm turistlərin dağ turizm imkanlarından səmərəli istifadəsi ilə bağlı geniş xidmətlər təklif olunacaq. Şimal-qərb istiqaməti üzrə bir sıra rayonlarda turistlərin əyləncəsi, mədəni proqramların təşkili ilə bağlı yeniliklər, axşam konsertlərinin keçirilməsi də nəzərdə tutulur. Bütün bunlar isə ölkəmizə gələn turistlərin sayının artacağını deməyə əsas verir.