2016-cı il iyunun 18-nə təyin edilmiş 90 saylı Ağdaş seçki dairəsi üzrə Azərbaycan Respublikasının Milli Məclisinə təkrar seçkilərdə Mərkəzi Seçki Komissiyasına daxil olmuş 16 may 2016-cı il tarixli 02 saylı müraciətə baxılması barədə Azərbaycan Respublikası Mərkəzi Seçki Komissiyasının Qərarı
Qərar № 6/23
2016-cı il iyunun 18-nə təyin edilmiş 90 saylı Ağdaş seçki dairəsi üzrə Azərbaycan Respublikasının Milli Məclisinə təkrar seçkilərdə namizədliyi öz təşəbbüsü ilə irəli sürülmüş Məmmədov İlqar Eldar oğlunun səlahiyyətli nümayəndəsi Cəfərov Natiq Mehman oğlu 2016-cı il mayın 16-da Azərbaycan Respublikasının Mərkəzi Seçki Komissiyasına yazılı müraciət edərək, dairə seçki komissiyasının İ.E.Məmmədovun namizədliyinin qeydə alınmasından imtina edilməsinə dair 11 may 2016-cı il tarixli qərarının qanunsuz hesab edilərək ləğv edilməsini və onun həmin seçki dairəsindən namizədliyinin qeydə alınmasını xahiş etmişdir.
Şikayət Azərbaycan Respublikası Seçki Məcəlləsinin 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat"a uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən icraata qəbul edilmiş, araşdırılaraq bu barədə rəy verilmiş və Komissiyanın iclasında baxılmışdır.
Araşdırma prosesində müraciət etmiş səlahiyyətli nümayəndə ilə əlaqə saxlanılmış, əlavə sənədlər və materiallar təqdim etmək, araşdırmada və iclasda iştirak etmək hüquqlarının olması izah edilmiş, iclasda iştirak etməyə dəvət edilmişdir. O, iclasda iştiraka dəvət edilsə də iştirak etməmişdir.
Ərizəşi şikayətini onunla əsaslandırmışdır ki, dairə seçki komissiyası namizədin qeydə alınmasından imtina barədə qərar qəbul edərkən Şəki Apellyasiya Məhkəməsinin 29 aprel 2016-cı il tarixli qərarı ilə İ.E.Məmmədov barəsində Şəki Ağır Cinayətlər Məhkəməsinin 17 mart 2014-cü il tarixli hökmünün qüvvədə saxlanılması nəticəsində yaranmış hüquqi nəticəni yanlış olaraq əsas götürərək namizədin qeydə alınmasından qanunsuz imtina etmişdir. Dairə seçki komissiyası İ.E.Məmmədovun həmin məhkəmənin müvafiq hökmü ilə təqsirli bilinərək 7 (yeddi) il müddətinə azadlıqdan məhrumetmə cəzasına məhkum edilməsini və azadlıqdan məhrumetmə yerində cəza çəkməsini əsas götürərkən namizəd barəsində daha üstün hüquqi qüvvəyə malik olan və onun vəziyyətini yüngülləşdirən Avropa İnsan Hüquqları Məhkəməsinin müvafiq qərarını nəzərə almamışdır.
Araşdırma ilə müəyyən edilmişdir ki, 2016-cı il iyunun 18-nə təyin edilmiş 90 saylı Ağdaş seçki dairəsi üzrə Azərbaycan Respublikasının Milli Məclisinə təkrar seçkilərdə namizədliyinin öz təşəbbüsü ilə irəli sürülməsi barədə Bildirişi və namizədliyin irəli sürülməsinin təsdiq edilməsi üçün digər sənədləri dairə seçki komissiyasına 25 aprel 2016-cı ildə daxil olmuş, Seçki Məcəlləsi ilə namizədliyin təsdiq edilməsi üçün 5 (beş) gün müddət nəzərdə tutulmasına baxmayaraq, İ.E.Məmmədovun Penitensiar Müəssisədə saxlanılması səbəbindən ona daha münasib şərait yaradılması məqsədilə dairə seçki komissiyası müraciətə mümkün qədər tez - 3 (üç) gün müddətində baxaraq, 28 aprel 2016-cı il tarixli, 6/17 saylı qərarı ilə iddiaçının namizədliyinin irəli sürülməsini təsdiq etmişdir. Həmin qərar dərhal səlahiyyətli nümayəndəyə göndərilmiş və bu barədə ona telefonla məlumat verilmişdir. 3 may 2016-cı ildə dairə seçki komissiyası tərəfindən namizədin səlahiyyətli nümayəndəsi N.M.Cəfərova namizədin müdafiəsi üçün lazımi saydan artıq seçici imzalarının toplanılmasını mümkün edən 11 (on bir) ədəd imza vərəqəsi verilmişdir. Həmin imza vərəqələri namizədin qeydə alınması üçün qanunvericiliklə müəyyən edilmiş zəruri sənədlər əlavə edilmədən heç bir seçici imzası toplanılmadan boş, doldurulmamış və təsdiq edilməmiş halda 5 may 2016-cı ildə özünü namizədin səlahiyyətli nümayəndəsinin köməkçisi kimi təqdim edən Ceyhun adlı şəxs tərəfindən dairə seçki komissiyasına qaytarılmışdır. Bununla bağlı dairə seçki komissiyası tərəfindən 6 may 2016-cı ildə namizədin səlahiyyətli nümayəndəsi N.M.Cəfərova yazılı müraciət edilmiş və ona təqdim edilmiş imza vərəqələrinin dairə seçki komissiyasına buna səlahiyyəti olmayan şəxs tərəfindən gətirilməsi barədə məlumat verildikdən sonra səlahiyyətli nümayəndə 8 may 2016-cı ildə komissiyaya gələrək imza vərəqələrinin boş və doldurulmamış vəziyyətdə qaytarılmasının onun tapşırığına əsasən edildiyini bildirmişdir. Dairə seçki komissiyası tərəfindən, ona, imza toplanılması üçün kifayət qədər vaxtın qalması bildirilərək imza vərəqələrinin imza toplanılması məqsədilə götürülməsi və mövcud zamandan səmərəli istifadə təklif edilsə də, o, imza vərəqələrinin həmin vəziyyətdə (boş və doldurulmamış) dairə seçki komissiyasına qaytarılmasında israrlı olduğundan, səlahiyyətli nümayəndənin iştirakı ilə müvafiq akt tərtib edilməklə komissiyaya təhvil verilmiş və bu barədə ona müvafiq arayış təqdim edilmişdir.
Göstərilənlərlə müəyyən olunur ki, iddiaçının namizədliyinin qeydə alınması üçün onlara imza toplanılması və Seçki Məcəlləsinin 58-ci maddəsində nəzərdə tutulmuş digər sənədlərin (seçici imzaları toplanmasının yekunu haqqında Mərkəzi Seçki Komissiyasının müəyyənləşdirdiyi formada tərtib edilmiş protokolun 2 nüsxəsi, namizəd haqqında təqdim edilmiş məlumatlarda dəyişikliklər barədə bildiriş, namizədin gəlirlərinin miqdarı və mənbələri barədə məlumat, mülkiyyət hüququ əsasında namizədə məxsus əmlak barədə məlumat, namizədin ilkin maliyyə hesabatı) təqdim edilməsi üçün yaradılmış imkandan könüllü istifadə olunmamışdır.
Dairə seçki komissiyası namizədin qeydiyyatından imtina barədə qərarını əsaslandırarkən ümumən düzgün nəticəyə gəlsə də, qərarın qəbul edilməsi üçün mövcud əsasları natamam tətbiq etdiyindən həmin qərarın ləğv edilməsi üçün zəmin yaranmışdır. Belə ki, yuxarıda qeyd edilənlərdən görünür ki, namizədin qeydə alınması üçün Azərbaycan Respublikasının Seçki Məcəlləsində nəzərdə tutulmuş sənədlərin təqdim edilməməsi Seçki Məcəlləsinin tələblərinə görə namizədin qeydə alınmasından imtina üçün ilkin əsas kimi götürülməli olduğu halda, dairə seçki komissiyası həmin məsələni öz qərarında müzakirə etsə də, imtinanın əsası kimi namizədin yalnız ağir cinayətə görə məhkumluğuna və cəzaçəkmə yerində saxlanılmasına istinad etməklə qanunvericiliyin müddəalarını natamam tətbiq etmişdir. Bu isə dairə seçki komissiyası qərarının ləğv edilməsi və yeni qərarın qəbul edilməsi üçün hüquqi əsas yaratmışdır.
Dairə seçki komissiyasının istinad etdiyi əsaslarla yanaşı Seçki Məcəlləsinin 60.2.2-ci maddəsinə görə bu Məcəllənin 57-ci və 58-ci maddələrində göstərilən sənədlərin düzgün rəsmiləşdirilməməsi və ya olmaması da namizədin qeydə alınmasından imtina edilməsi üçün əsasdır.
Beləliklə, Cəfərov Natiq Mehman oğlunun 16 may 2016-cı tarixli, 02 saylı müraciəti qismən təmin edilməli, dairə seçki komissiyasının 11 may 2016-cı il tarixli 9/31 saylı qərarı ləğv olunmalı və namizədin qeydə alınması üçün Seçki Məcəlləsinin 57-ci və 58-ci maddələrində nəzərdə tutulan zəruri sənədlərin təqdim edilməməsi və barəsində olan məhkəmə qərarının yaratdığı hüquqi nəticələr namizədliyin qeydə alınmasını mümkünsüz etdiyindən, İ.E.Məmmədovun namizəd kimi qeydə alınmasından imtina edilməlidir.
Yuxarıda göstərilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat"ın 1-ci, 2-ci, 4-cü, 6-cı və 7-ci hissələrinə əsasən qərara alır:
1. 2016-cı il iyunun 18-nə təyin edilmiş 90 saylı Ağdaş seçki dairəsi üzrə Azərbaycan Respublikasının Milli Məclisinə təkrar seçkilərdə namizədliyi öz təşəbbüsü ilə irəli sürülmüş Məmmədov İlqar Eldar oğlunun səlahiyyətli nümayəndəsi Cəfərov Natiq Mehman oğlunun 16 may 2016-cı tarixli, 02 saylı müraciəti qismən təmin edilsin, dairə seçki komissiyasının 11 may 2016-cı il tarixli 9/31 saylı qərarı ləğv edilsin.
2. Qərarın əsaslandırıcı hissəsində göstərilən səbəblərdən namizədin qeydə alınması mümkünsüz olduğundan İ.E.Məmmədovun namizəd kimi qeydə alınmasından imtina edilsin.
3. Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
19.05.2016
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!