15 May 2016 12:05
919
Oxucu məktubları
A- A+

O gün də tezliklə gələcək

 

Erməni hərbçilərinin atəşkəsi pozaraq cəbhə bölgəsində növbəti təxribat törətmələri, mülki əhalini artilleriya silahları ilə müntəzəm atəşə tutması onu deməyə əsas verir ki, mənfur qonşumuzun əsas məqsədi azərbaycanlılara qarşı zorakılıq siyasətini yenə də davam etdirməkdir. Lakin biz nə ermənilərdən, nə də onların havadarlarından qorxuruq. Çünki güclü dövlətimiz və qətiyyətli Prezidentimiz var. Elə bu günlərdə ölkə rəhbəri İlham Əliyevin xanımı Mehriban Əliyeva ilə Ermənistan silahlı qüvvələri ilə təmas xəttində yerləşən Tərtər, Ağdam və Bərdə rayonlarına səfər etməsi, əhali ilə, ermənilərin atəşkəsi pozmaları nəticəsində yaralanan dinc insanlarla görüşməsi bir daha sübut etdi ki, Prezidentimiz həmişə xalqla birlikdədir.

Dövlət başçısının xanımı ilə cəbhə xəttinin 200 metrliyində yerləşən Tərtər rayonunun Qapanlı kəndinə gəlməsi, artilleriya zərbəsi nəticəsində evləri dağılmış kənd sakinlərinin həyətlərində olması hər birimizdə sabaha daha böyük ümidlər yaratdı. Söhbət zamanı ölkə rəhbəri düşmən güllələrinin və mərmilərinin törətdiyi fəsadların tezliklə aradan qaldırılması üçün bütün tədbirlərin görüləcəyini söylədi. Erməni təxribatına Azərbaycan Ordusunun layiqli cavab verdiyini deyən Prezident İlham Əliyev düşmənlə üzbəüz mövqelərdə yerləşən yaşayış məntəqələrinin sakinlərinin fədakarlığını, cəsarətini və torpağa bağlılığını xüsusi vurğuladı.

Mənim 80-ə yaxın yaşım var. Uzun illər təhsil sahəsində çalışmışam. İndi təqaüddəyəm. Dağlıq Qarabağ münaqişəsinə birdəfəlik son qoyulmasını mən də həsrətlə gözləyirəm. Son vaxtlar Azərbaycan Ordusunun cəbhədə qazandığı uğurlar nigarançılığımız azaldıb. İndi hamı daha çox əmindir ki, o gün çox da uzaqda deyil.

 

Tariyel ABBASOV,

Goranboy rayonu Tapqaraqoyunlu kəndinin sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video