15 May 2016 12:05
913
Oxucu məktubları
A- A+

Vətənpərvərlik missiyası

 

Qubadlı 1993-cü ilin avqustunda ermənilər tərəfindən işğal edildikdən sonra  Sumqayıta pənah gətirmişik. İlk illərdə qarşılaşdığımız çətinlikləri saymaqla qurtarmaq olmazdı. Zaman keçdikcə, ölkəmiz inkişaf etdikcə problemlər yavaş-yavaş aradan qaldırıldı. Həmin dövrdən bizi 24 ilə yaxın bir vaxt ayırsa da, bəzən adama elə gəlir ki, bütün bunlar dünən olub. Nə qədər aralı düşsək də, elimiz, kəndimiz, camaatımızla bağlı adət-ənənələrimizi, vərdişlərimizi yaşatmağa çalışırıq. Bu, həm dərdimizi yüngülləşdirir, həm də yeni nəslin ata-baba yurduna sevgi, mənəvi bağlılıq üzərində tərbiyə almalarını təmin edir. Doğrudur, bu heç də asan başa gəlmir. Qaçqınlıq şəraitində bu daha çətindir. Amma cəhd edirik, yollar arayırıq. Belə təşəbbüslərdən biri də rayon icra hakimiyyətinin inzibati binasında Qubadlı Tarix-Diyarşünaslıq Muzeyinin yaradılmasıdır. Vaxtaşırı nəvələrimi  götürüb bu muzeyə gedirəm.

Qubadlının tarixini özündə yaşadan bütün eksponatlar bizim üçün çox əzizdir. Bu tarixi öyrənmək və sonrakı nəsillərə ötürmək hər bir qubadlılının mənəvi borcudur. Çox zaman buradakı xananın arxasında oturub ötüb keçənləri xatırlayıram...

Bizi sevindirən bir hal da ondan ibarətdir ki, tarix-diyarşünaslıq muzeyi istifadəyə veriləndən bəri, demək olar ki, hər ay rayon məktəbliləri buranı ziyarət edirlər. Bəzən tarix dərsləri də burada keçirilir. 

Sovet dönəmində iki çağırış deputat olmuşam. Amma vətənpərvərliyin bu qədər təbliğ olunduğunu görməmişəm. Bu gün Azərbaycan bayrağı təkcə meydanlarda deyil, evlərdə də dalğalanır. Torpaqlarımızın işğal altında olduğu indiki vaxtda tariximizin və yurd yerlərimizin unudulmaması bizim ən vacib vətənpərvərlik missiyamızdır.

 

Solmaz HÜSEYNOVA,

Qubadlı 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video