17 Aprel 2016 12:04
1321
Oxucu məktubları
A- A+

Əmrə müntəzir gözləyirik

Azərbaycan Ordusunun cəbhədə qazandığı uğurlar hər bir azərbaycanlının qanını coşdurub.  Yeni azad edilən, geri alınan zirvələr döyüşçülərimizin hərbi ruhunu artırıb. Bir neçə gün ərzində Azərbaycan əsgəri düşmənə öz gücünü göstərməklə yanaşı, dünyaya bu münaqişənin dondurulmadığını xatırlatdı. Rəşadətlə döyüşən ordumuzun hərbi hissələri düşmənə sarsıdıcı zərbələr endirdi. Bütün Azərbaycan yumruqtək birləşib orduya, əsgərə arxa, dayaq oldu!

Kimya sənayesi müəssisəsində çalışıram, mühəndisəm, həm də keçmiş hərbçiyəm. Böyük kollektivimiz var. Bu günlər hər kəsin qəlbi cəbhədə, əsgərlərimizin yanındadır. Əgər Ali Baş Komandan əmr verərsə, mən və  mənim kimi minlərlə insan cəbhəyə getməyə hazırdır.

Müharibə itkisiz, qurbansız olmur. Vətəni canlarından çox sevib uğrunda şəhid olan hər bir kəsin ruhu qarşısında baş əyirik. Onların qisasını almağa, torpaqlarımızı azad etməyə hər an hazırıq! Əmrə müntəzir gözləyirik! 

 

Həmid QULİYEV,

ehtiyatda olan hərbçi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video