31 Mart 2016 01:03
938
Oxucu məktubları
A- A+

Niyə canlı oxumurlar?

 

Çoxlarını narahat edən, narazılıq yaradan bir məsələdən söz açmaq istəyirəm. Bu, fonoqramla bağlıdır. Qeyd edim ki, son illər fonoqramın tətbiqi kütləvi xarakter alıb.

 

Müğənnilər, xüsusilə də şou-biznes əhli yeri gəldi-gəlmədi fonoqramdan istifadə edir, tamaşaçıya sayqısızlıq göstərirlər. Dəfələrlə şahidi olmuşam: Bakıdan rayona bir dəstə çalıb-oxuyan gəlir. Səhnə qurulur, ansambl əyləşir öz yerində. Müğənni əlinə mikrofon götürüb girir meydana, guya oxuyur.

Səhnədəki çalğıçılar da tamaşaçıya çevrilib əlləri qoyunlarında konserti izləyirlər:  Amma gur musiqi səsi qulaqları deşir. Biz tamaşaçılar isə narazı qalırıq. Buna lüzum varmı? Kimi aldadırlar? Müğənni də, ansambl da səhnədə, göz qabağında. Canlı ifa üçün heç bir maneə yoxdur. Amma disk qoyulur aparata, gücləndiricinin səsi qaldırılır son həddə. Müğənni də ritmə uyğun əzilib-büzülür, ağzını yalandan açıb-yumur. Əgər canlı ifa olmayacaqdısa, müğənnilərin, çalğıçıların yüz kilometrlərlə yol qət etməsinə nə ehtiyac vardı? Diskə hər kəs öz evində, öz maşınında da qulaq asa bilər. Təbii ki, belə konsertlərdən zövq ala bilmir, əksinə, əsəbiləşirik, əhvali-ruhiyyəmiz korlanır.

Başa düşmək olar ki, bəzən müəyyən vəziyyət fonoqramı zəruri edir. Amma həmişə buna ehtiyac olmur axı. Televiziya kanallarında yayımlanan şou proqramlarında da fonoqramdan istifadə ifrat həddədir.

Məncə, bu sahədə qayda yaratmağın vaxtı çoxdan çatıb - müğənni olan kəs tamaşaçı qarşısında oxuyub qabiliyyətini nümayiş etdirməlidir. Əgər onların canlı ifaya yetəcək qədər səsləri, bacarıqları yoxdursa, deməli, xalqı aldadırlar. Bu isə qətiyyən yolverilməzdir.

 

Səbuhi CƏFƏROV,

Bərdə şəhər sakini 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video