Naxçıvanda “Hüseyn xan Naxçıvanski. Qayıdış” filmi nümayiş olunub
Naxçıvan şəhərindəki “Gənclik” Mərkəzində “Salnamə” Sənədli Filmlər Studiyası və Sankt-Peterburqun “Lennauçfilm” kinostudiyası tərəfindən çəkilən, Rusiya imperiyasında böyük nüfuz sahibi olmuş görkəmli azərbaycanlı sərkərdə, tam süvari qoşunları generalı, II Nikolayın general-adyutantı olmuş Hüseyn xan Naxçıvanski haqqında tammetrajlı sənədli filmin təqdimatı olub.
Tədbirdə Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsinin müdiri Rəhman Məmmədov, “Lennauçfilm” Məhdud Məsuliyyətli Cəmiyyətinin baş direktoru Anton Smirnov, “Salnamə” Sənədli Filmlər Studiyasının direktoru Nazim Hüseynov çıxış ediblər.
Qeyd olunub ki, Azərbaycanın qədim Naxçıvan torpağı görkəmli şəxsiyyətlər, sərkərdələr yetirib. Dövlətin diqqət və qayğısı sayəsində bu şəxsiyyətlərin yubileyləri keçirilir, edilir, onlar haqqında sənədli filmlər hazırlanır, kitablar nəşr olunur. Belə şəxsiyyətlərdən biri Hüseyn xan Naxçıvanskidir. Ötən müddət ərzində görkəmli sərkərdənin həyat və fəaliyyətinə həsr olunmuş bir sıra tədbirlər keçirilmiş, Rudolf İvanovun “Əlahəzrətin general-adyutantı” kitabı Azərbaycan dilinə tərcümə olunub. Təqdimatı keçirilən film də bu istiqamətdə görülən işlərin davamıdır.
Sonra “Hüseyn xan Naxçıvanski. Qayıdış” filmi nümayiş etdirilmişdir.
Məlumat üçün bildirək ki, Azərbaycanda məşhur hərbi xadimlər ailəsi kimi tanınmış Naxçıvanskilər nəslinin yetirməsi olan Hüseyn xan Naxçıvanski şərəfli döyüş yolu keçmiş, gənc nəsil üçün vətənpərvərlik nümunəsi yaratmışdır. O, rus-yapon müharibəsində 2-ci Dağıstan Süvari Alayına komandanlıq etmiş, müharibədən sonra rus ordusunun şöhrətli alaylarına, Nijeqorodsk draqun və leyb-qvardiya süvari alaylarına rəhbərlik etmiş, Birinci Dünya müharibəsinin ilk günlərindən diviziya və süvari korpusların komandiri kimi ön cəbhədə olmuş, əlahəzrətin general-adyutantı rütbəsinə qədər yüksəlmişdir.
Hüseyn xan Naxçıvanski 2-ci dərəcəli “Müqəddəs Aleksandr”, “Müqəddəs Georgi” ordeninin 3-cü və 4-cü dərəcələri, “Müqəddəs Vladimir”, “Müqəddəs Stanislav” ordenlərinin bütün dərəcələri, “Müqəddəs Anna” kimi ən yüksək orden və medallar ilə təltif edilmişdir.
Qeyd edək ki, Azərbaycan Respublikası Mədəniyyət və Turizm Nazirliyinin sifarişi ilə “Salnamə” Sənədli Filmlər Studiyası və “Lennauçfilm” Məhdud Məsuliyyətli Cəmiyyəti tərəfindən hazırlanan və 2012-2014-cü illərdə çəkilişləri aparılan film Naxçıvanda, Bakıda və Sankt-Peterburqda lentə alınıb. Geniş arxiv materiallarından istifadə olunan filmin ideya müəllifi rejissor Tahir Əliyev, ssenari müəllifi və rejissoru Valentina Qurkalenkodur.
Elxan MƏMMƏDOV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
Füzuli sakini: Gözəl günlərimiz bundan sonra daha çox olacaq
29 Mart
Keçmiş məcburi köçkün: Düşünürəm ki, artıq bütün şəhidlərimizin ruhu şaddır
29 Mart
Füzuli şəhərinə növbəti köç karvanı yola salınıb
29 Mart
ABŞ Baltimordakı körpünün bərpasına 60 milyon dollar ayırıb
29 Mart
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
29 Mart
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!