Azərbaycan Turizm və Menecment Universitetinin 10 illik yubileyi qeyd edilib
Fevralın 12-də Azərbaycan Turizm və Menecment Universitetində (ATMU) bu ali məktəbin 10 illik yubileyi münasibətilə tədbir keçirilib.
AZƏRTAC xəbər verir ki, əvvəlcə tədbir iştirakçıları ATMU-nun 10 illik fəaliyyətini əks etdirən foto və kitab sərgiləri ilə tanış olublar.
Universitetinin rektoru, professor Cəfər Cəfərov rəhbərlik etdiyi ali təhsil ocağının yaranma tarixi və keçdiyi şərəfli yoldan söhbət açıb. Bildirib ki, bu gün rəhbərlik etdiyi ali məktəbin həyatında ən yaddaqalan günlərdən biridir. Ölkəmizdə turizm sahəsindəki davamlı inkişafın nəticəsi kimi, peşəkar kadrlara olan ehtiyacın sürətlə artmasını təmin etmək məqsədilə Azərbaycan Turizm İnstitutu 2006-cı il sentyabrın 15-də 200 tələbə, 1 fakültə və 3 ixtisasla tədris fəaliyyətinə başlayıb. ATİ uğurlu inkişaf yolu keçib və bunun nəticəsi olaraq Prezident İlham Əliyevin 2014-cü il 22 dekabr tarixli Sərəncamı ilə Turizm İnstitutunun bazasında ali təhsilin bütün pillələrində turizm və menecment sahələri üzrə kadr hazırlığını həyata keçirən Azərbaycan Turizm və Menecment Universiteti yaradılıb.
Bildirilib ki, hazırda ATMU ailəsində ümumilikdə 2355 gənc turizm sahəsi üçün müxtəlif səviyyəli mütəxəssis kimi hazırlanmaqdadır. Bu günədək ATMU-dan 1296 bakalavr və 70 magistr olmaqla, cəmi 1366 məzun bitirib. Onlardan 124-ü (115 bakalavr və 9 magistr) ölkənin təhsil tarixində ilk dəfə olaraq ATMU ilə yanaşı, Avstriyanın İMC Krems Tətbiqi Elmlər Universitetinin diplomunu alıb. Hazırda isə 113 tələbə bu proqram üzrə təhsilini davam etdirir. Məzunların əksəriyyəti ölkənin nüfuzlu turizm müəssisələrində, həmçinin dünyanın müxtəlif ölkələrində çalışır, təhsil alır və Azərbaycanı uğurla təmsil edirlər.
Mədəniyyət və turizm naziri Əbülfəs Qarayev universitetin qazandığı uğurlardan danışıb, yubiley münasibətilə kollektivi təbrik edib. Nazir qeyd edib ki, ATMU hazırda Azərbaycanın təhsil məkanında mövcud qabaqcıl ali təhsil ocaqları ilə bir sırada dayanır: “Ötən müddəti nəzərdən keçirdikdə biz gələcəyə kifayət qədər nikbinliklə baxırıq. Çünki Azərbaycanda turizm sənayesinin inkişafı dövlətin prioritet istiqamətlərindən birinə çevrilib”.
Nazir bildirib ki, Azərbaycanda ilk dəfə olaraq, ATMU-nun tələbələri beynəlxalq layihə çərçivəsində ikili diplom alıblar. Bu ali məktəb 10 ildə, həqiqətən də çox böyük işlər görüb. Çox əlamətdar hadisədir ki, burada oxuyan tələbələr Bolonya sistemi üzrə təhsil alırlar. Tələbələr hazırda dünyanın müxtəlif ölkələrində öz yay təcrübələrini keçirməkdədirlər. Bu olduqca vacib bir məsələdir. Çünki ATMU çoxlu sayda beynəlxalq proqramlarda iştirak edir və bu proqramlar çərçivəsində tələbələr aparıcı turist şirkətlərində, mehmanxanalarda təcrübə keçirlər. Bundan əlavə, ATMU-nun tələbələri ölkəmizdə keçirilən bütün beynəlxalq tədbirlərin könüllüləri sırasındadır. Onlar Azərbaycanda qonaqpərvərliyin və bələdçi sisteminin təkmilləşdirilməsinə və qurulmasına öz dəyərli töhfələrini verirlər. Bu ali məktəbdə tədrisi Azərbaycan turizm sənayesinin parlaq nümayəndələri aparırlar. Bu da təcrübə ilə nəzəriyyənin vəhdəti deməkdir. Ümumiyyətlə, fərəhləndirici fakt ondan ibarətdir ki, həm ATMU-nun, həm də bu universitetin nəzdində fəaliyyət göstərən Bakı Turizm Peşə Məktəbinin bütün məzunları işlə təmin olunurlar.
Avstriyanın İMC Krems TEU-nun əlaqələndiricisi Yens Peter Ennen də ATMU-nun kollektivini təbrik edib, yeni uğurlar arzulayıb.
Sonda 10 ildə göstərdiyi nümunəvi fəaliyyətinə görə universitetin bir qrup əməkdaşına Mədəniyyət və Turizm, Təhsil nazirliklərinin və ATMU-nun fəxri fərmanları təqdim olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
HƏMAS lideri İranın Baş Qərargah rəisi ilə görüşüb
29 Mart
Baş katib: MDB Dövlət İnformasiya Agentlikləri Rəhbərləri Şurası Bakıda toplaşacaq
29 Mart
Sırski: Rusiya Xarkova hücum etsə, bura onlar üçün “ölümcül şəhər" olacaq
29 Mart
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!