09 Fevral 2016 12:02
741
Oxucu məktubları
A- A+

Kəndimizə mavi yanacaq verildi

 

Təbii qazın əvəzi yoxdur. Bu enerji növü - mavi yanacaq kənd əhalisi üçün də müstəsna əhəmiyyətə malikdir. Necə deyərlər, məişətdə, həmçinin təsərrüfatda təbii qazın rolu misilsizdir. Əgər şəhərlərdə mərkəzləşdirilmiş istilik sistemləri vasitəsilə mənzilləri qızdırmaq mümkündürsə, kəndlərdə hər obyektin, məktəbin, evin öz yanacaq mənbəyi olmalıdır. Kənd şəraiti, şərtləri üçün təbii qaz qədər həm ucuz, həm effektli, eyni zamanda universal yanacaq növü yoxdur.

Bizim kənd camaatı bu yanacağın qədir-qiymətini yaxşı bilir. Əvvəllər hər evdə mavi alov şölələnirdi. 20 ildən də çox çəkən intizardan sonra nəhayət kəndimizə yenidən təbii qaz verilib. Görülən işdən də razıyıq. Hər evə pulsuz-parasız qaz xətləri çəkilib, smart-kart tipli sayğaclar, zəruri texniki element və detallar quraşdırılıb.

Kəndə qaz verilməsi təntənəli mərasimlə qeyd olundu. Qonşu Bico və Cəlayir kəndlərinin - ümumilikdə 800-ə yaxın abonentin qazla təchizatının bərpasına həsr olunmuş tədbirdə ictimaiyyətin nümayəndələri ilə yanaşı, Ağsu Rayon İcra Hakimiyyətinin başçısı Ənvər Seyidəliyev və “Azəriqaz” İstehsalat Birliyinin baş direktoru Əkbər Hacıyev də iştirak etdilər. Açılış mərasimində çıxış edənlər sosial proqramların icrasının dövlət siyasətində prioritet istiqamətlərdən olduğunu vurğulayaraq regionların sosial-iqtisadi inkişafına diqqətin daha da artırıldığını bildirdilər. Dedilər ki, cari ilin sonuna qədər Ağsu rayonunun bütün yaşayış məntəqələri təbii qazla təmin olunacaq.

İcimaiyyət adından çıxış edənlər də dövlət siyasətindən məmnunluqlarını və razılıqlarını bildirdilər. Biz də Qəşəd, Bico və Cəlayir kəndlərinin əhalisi adından bu qayğı və diqqətə görə dövlətimizə, eləcə də qaz çəkilişində zəhməti olan hər bir kəsə minnətdarlığımızı bildiririk.

 

Şahbaba QƏNBƏROV,

Ağsu rayonu, Qəşəd kənd ziyalısı 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video