Alternative content

22:06 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Münasibətdən razıyıq
Münasibətdən razıyıq
ANA SƏHİFƏ / Oxucu məktubları
02:01 06.01.2016

 

Son illər rayonumuzda insanların sosial rifah halının yüksəldilməsi, eyni zamanda mədəni və mənalı istirahətlərinin təşkili istiqamətində xeyli iş görülüb. Bu baxımdan 2015-ci il bizim üçün daha da düşərli oldu. Yola saldığımız ilin  nəticələrindən biz - Ağsu rayonunun “Azərbaycan” küçəsində yaşayan sakinlər də bəhrələnirik. Artıq küçəmizin hasarları yeni dekorativ daşlarla üzlənib. Yola asfalt döşənib, bardürlər yenilənib və səkilərə tamet daşlar düzülüb.

Eyni zamanda küçəmizlə paralel istiqamətdə,  Ağsu çayının sol sahilində kiçik park salınıb və təxminən 700 kvadratmetrlik sahədə çəmənlik yaradılıb. Ərazidə 3 mindən çox gül kolu əkilib.

Bu parkda veteranların mənalı istirahətləri üçün hər cür şərait yaradılıb. Burada vaxt keçirən veteranlara çay pulsuz verilir. Parkın ətrafında yaşayan sakinlərin də istirahəti üçün geniş imkan var. Şahmat həvəskarları da diqqətdən kənarda qalmayıblar. İstədikləri zaman gəlib burada şahmat oynaya bilirlər.

Biz veteranlar, ümumilikdə isə sakinlər yaradılan şəraitdən məmnunuq və qəzetiniz vasitəsilə bu cür xeyirxah əməllərdə zəhməti olan hər kəsə çox sağ olun deyirik.

 

Şahnəzər NƏZƏROV,

Ağsu rayonundan veteran