Alternative content

17:59 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Saat meydanı” yaradılır
“Saat meydanı” yaradılır
ANA SƏHİFƏ / Oxucu məktubları
12:12 16.12.2015

 

İsmayıllı şəhər bazarının qarşısındakı sahə nəqliyyatın hərəkətinə maneçilik yaradan bir durumda idi. Xüsusilə istirahət günlərində şəhərin Yuxarıbaş məhəlləsinin bütün istiqamətlərinə nəqliyyatın hərəkəti çətinləşirdi. “Şahdağ” kiçik müəssisəsi (özəl bazar belə adlanır) qeyd olunan ərazidən dayanacaq kimi istifadə  edir, müəyyən məbləğ qazanır, lakin abadlıq yaratmağa imkan tapmırdı.

Bazara gedib-gələn alıcı və satıcıların, yolu burdan keçən sakinlərin bir qrupu bazar meydanındakı vəziyyəti yaxşılaşdırmaq xahişi ilə rayon icra hakimiyyətinə müraciət etdi. Əhalinin istək və təkliflərinə həssaslıqla yanaşıldı və bu ərazini  abadlaşdırmaq məqsədilə “Saat meydanı” layihəsi hazırlandı. Sakinlərin iştirakı ilə layihə müzakirə olundu, bəyənildi və ləngimədən işə başlanıldı. Ilk növbədə yaxınlıqda müasir avtodayanacaq yaradıldı.

Layihəyə əsasən, meydanda 8 metr hündürlüyündə saat qülləsi quraşdırılacaq. Ərazidə dekorativ ağaclar, kollar, güllər əkiləcək, çəmənlik salınacaq. Ətrafdakı dükanlar milli memarlıq elementləri ilə zəngin üslubda yenidən qurulacaq.

“Saat meydanı”na bitişik boş sahədə xalq sənətkarlığı bazarı da yaradılacaq. Orada sənətkarlıq məhsullarının istehsalı və satışı təşkil olunacaq. Bununla da misgər, dəmirçi, qalayçı dükanları turizm imkanları yüksələn İsmayıllıda daha cəlbedici hala gələcək.

Beləliklə, şəhərin daha bir məkanı abadlaşacaq.

 

Valeh SALEHOV,

İsmayıllı şəhər sakini