02 Dekabr 2015 12:12
747
Oxucu məktubları
A- A+

Abadlaşan, gözəlləşən Qaysa

 

Kəndimizin əhalisi 3500 nəfərdir. Təxminən 900 təsərrüfatımız var. Əsasən maldarlıq və əkinçiliklə məşğuluq. Dövlət qayğısı sayəsində təsərrüfat problemlərimiz həllini tapmaqdadır. Kəndin sosial rifahı da ilbəil yüksəlir. Abadlıq-quruculuq işləri sistemli həyata keçirilir. Bu işdə qeyri-dövlət təşkilatları, ictimaiyyət də yaxından iştirak edirlər.

Bir zamanlar kəndimizin yolları bərbad vəziyyətdə idi. Artıq buna da əncam çəkilib. Azərbaycan Kənd İnvestisiya layihəsi çərçivəsində 2010-cu ildən başlayaraq mərhələlərlə bütün kənddaxili yollar abadlaşdırılıb. Kəndə gələn əsas yol da bələdiyyə tərəfindən asfaltlaşdırılıb. Hazırda istənilən hava şəraitində küçələrdə normal hərəkət edə bilirik.

Kənddə yeni inkubasiya sexi də açılıb. Bu sex 5000-dən çox cücə yetişdirmək imkanına malikdir.

Kənd əhalisinin asudə vaxtının mənalı təşkilinə də önəm verilir. Kəndimizdə folklor qrupu fəaliyyət göstərir. Artıq bu qrup öz uğurlu çıxışları ilə təkcə rayonda deyil, onun hüdudlarından kənarda da tanınır.

 

Meysarat QAYSAYEVA,

Balakən rayon Qaysa kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video