11 Noyabr 2015 04:11
902
Turizm
A- A+

Azərbaycanın və Gürcüstanın turizm şirkətləri Nyu-Yorkda birgə sərgi təşkil edəcəklər

Gürcüstan Milli Turizm Agentliyinin sədri Giorgi Qoqovadze AZƏRTAC-ın xüsusi müxbirinə müsahibəsində deyib ki, Azərbaycan ilə turizm sahəsində əməkdaşlıq çərçivəsində gələn ilin yanvarında Nyu-Yorkda turizm sərgisinin açılması planlaşdırılır. Sərgidə Azərbaycanın və Gürcüstanın turizm potensialı ilə bağlı foto və video slaydlar, hər iki ölkənin mətbəxinin təamları nümayiş etdiriləcək. “Bu, bizim turizm strukturları arasında birgə həyata keçiriləcək ilk beynəlxalq tədbir olacaq. Məqsədimiz iki dost və qardaş ölkənin turizm potensialına Amerika ictimaiyyətinin diqqətini cəlb etməkdir. İnanırıq ki, bu sərginin təşkili turizm sahəsində birgə əməkdaşlığımızın inkişafı üçün mühüm addım olacaq”, - deyə G.Qoqovadze bildirib.

Agentliyin sədri Gürcüstanın Azərbaycan ilə digər sahələrdə olduğu kimi, turizm sahəsində də çox gözəl münasibətlərinin olduğunu vurğulayıb. O qeyd edib ki, Azərbaycan tərəfi ilə turizm sahəsində birgə əməkdaşlığa dair sənəd hazırlanıb. Bu sənəddə ölkələrimizin turizm potensialının inkişafı ilə əlaqədar bir sıra layihələr nəzərdə tutulub.

Qeyd edək ki, noyabrın 11-də Tbilisidə iqtisadiyyatın inkişafında inklüziv turizmin roluna həsr olunan beynəlxalq konfrans keçirilib.

Tədbirdə Azərbaycanda və Gürcüstanda fəaliyyət göstərən turizm şirkətlərinin ekspertləri ilə yanaşı, müxtəlif ölkələrdən 150-yə yaxın nümayəndə iştirak edib.

 

Xətayi Əzizov

AZƏRTAC-ın xüsusi müxbiri

Tbilisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video