25 Oktyabr 2015 12:10
506
Oxucu məktubları
A- A+

Savab yiyəsi

 

Əvvəllər heç vaxt kəndimizin yolu asfalt olmayıb. Çınqıl döşənmiş yol da baxımsızlıq ucbatından bərbad vəziyyətə düşmüşdü. Xüsusilə daxili yolla hərəkət etmək müşkülə çevrilmişdi. Yayda toz-torpaqdan, payız-qış aylarında isə palçıqdan, zığdan çox əziyyət çəkirdik. Rayonun digər yerlərində yolların təmir olunduğunu, asfaltlaşdırıldığını görəndə bir-birimizə deyirdik ki, dövlət də axı, hər şeyi birdən-birə edə bilməz. Bunun üçün vəsait, vaxt, texnika və s. lazımdır. Yəqin vaxtı çatanda bizim kəndin yolunu da təmir edərlər.

Bir gün kəndin ağsaqqallarından 3-4 nəfəri rayon sakini Hacı Ramazan Zeynalova müraciət etdi. Ramazan Zeynalov da onların xahişini yerə salmadı. Əvvəlcə camaatla görüşüb gün-güzəranları ilə maraqlandı. Kənd yolunu çəkdirəcəyini, hələ üstəlik ağsaqqallar evi də inşa etdirəcəyini bildirdi. İki gün sonra lazım olan texnika gətirildi, materiallar daşındı. Qısa bir müddətdə yolumuz da çəkildi, ağsaqqallar evi də tikildi. Xəlfələr kəndinin sakinləri bu işdə zəhməti keçən hər kəsə minnətdarlığını ifadə etməklə yanaşı, imkanlı şəxsləri belə xeyirxahlığa səsləyir.

 

Masallı rayonunun Xəlfələr kəndinin

sakinləri adından:

Əhməd BABAYEV, Səyadulla MANAFOV,  Xurşid SADIQOV, Yunis HƏŞIMOV və başqaları

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video