Alternative content

03:09 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı Hüquq Mərkəzi oxucuların suallarına cavab verir
Bakı Hüquq Mərkəzi oxucuların suallarına cavab verir
ANA SƏHİFƏ / Hüquq məsləhəti
12:10 18.10.2015

 

Bankdan kredit götürmüşəm. Əvəzində özümə məxsus evi ipoteka qoymuşam. İpoteka müqaviləsində həm ipoteka qoyduğum evə, həm də öz həyatıma dair sığorta müqavilələrinin bağlanmalı olması barədə şərt var. İpoteka müqaviləsində belə bir şərtin olması qanunidirmi? Sığorta müqavilələrini bağlamasam, nə ilə qarşılaşa bilərəm?

 

Ceyhun ƏZİMOV,

Xırdalan şəhəri

 

- İpoteka müqaviləsində ipoteka predmetinin məhv olma və zədələnmə riskinin və ipoteka qoyanın həyatının və əmək qabiliyyətinin itirilməsi riskinin sığortalanması barədə şərt nəzərdə tutula bilər. Bu, Azərbaycan Respublikası Mülki Məcəlləsinin 390.3-cü (“Müqavilə bağlamaq vəzifəsinin bu Məcəllədə və ya könüllü götürülmüş öhdəlikdə nəzərdə tutulduğu hallar istisna olmaqla, müqavilə bağlamağa məcbur etməyə yol verilmir.”) və “İpoteka haqqında” qanunun 27.1-ci (“İpoteka müqaviləsində nəzərdə tutulduqda, ipoteka qoyan ipoteka qoyulmuş əşyanı məhv olma və zədələnmə risklərindən ipoteka müqaviləsi bağlanan zaman əşyanın mövcud olan bazar qiymətini əsas götürərək tam dəyəri məbləğində, ipoteka qoyan fiziki şəxs olduqda isə, həmçinin öz həyatını və əmək qabiliyyətinin itirilməsi riskini ipoteka ilə təmin edilən tələbin ölçüsündən az olmamaq şərti ilə sığorta etdirməlidir.”) maddələrinə uyğundur. 

İpoteka predmetini sığortalasanız “İpoteka haqqında” qanunun 27.3-cü maddəsindəki neqativ nəticə ilə qarşılaşa bilərsiniz. Başqa sözlə, bank (ipoteka saxlayan) əsas öhdəliyin (kredit müqaviləsi üzrə borcun) vaxtından əvvəl icrasını tələb edə bilər. Belə tələb yerinə yetirilmədikdə bank tutmanı ipoteka predmetinə, yəni evə  yönəldəcək.

Odur ki, müqavilədə yer alan bu şərtlər qanunauyğun olmaqla bərabər sizin hüquqlarınızın qorunması baxımından da maraqlarınıza zidd deyil.  

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi