25 Avqust 2015 05:08
940
Turizm
A- A+

Azərbaycan Turizm və Menecment Universiteti Türkiyənin Avrasiya Universiteti ilə əməkdaşlığa dair müqavilə imzalayıb

Azərbaycan Turizm və Menecment Universiteti (ATMU) ilə Türkiyənin Avrasiya Universiteti arasında əməkdaşlığa dair müqavilə imzalanıb.

ATMU-dan AZƏRTAC-a bildirilib ki, bununla əlaqədar Türkiyənin Avrasiya Universitetinin rektoru, professor Aşkın Asanın rəhbərlik etdiyi nümayəndə heyəti ATMU-da olub.

Universitetin rektoru, professor Cəfər Cəfərov qonaqlara rəhbərlik etdiyi ali təhsil ocağının fəaliyyəti, inkişaf istiqamətləri, xarici ölkələrin nüfuzlu ali məktəbləri, o cümlədən müvafiq beynəlxalq təşkilatlarla səmərəli əlaqələri barədə ətraflı məlumat verib.

Professor A.Asan diqqətə çatdırıb ki, Azərbaycanın gənc ali məktəbinin rəhbərliyi və kollektivi ilə görüşün başlıca hədəfi əvvəlcədən nəzərdə tutulduğu kimi, iki ali təhsil ocağı arasında əməkdaşlığa dair müqavilənin imzalanmasıdır.

Qeyd edək ki, müqavilənin şərtlərində müəllimlərin, bakalavr və magistratura pillələrində təhsil alan tələbələrin mübadiləsi, doktorantura pilləsi üzrə ikili dərəcə proqramlarının yaradılması, konfrans, simpozium və seminarların keçirilməsi, birgə elmi tədqiqat layihələrinin təşkili və icrası, elmi-metodiki ədəbiyyatların mübadiləsi, eyni zamanda, elmi araşdırma menecmentinə əsaslanan təhsil və peşə təcrübəsinin mübadiləsi və paylaşması əksini tapıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video