11 Avqust 2015 07:08
882
Turizm
A- A+

Rusiyalı turist: Azərbaycanın çox gözəl səfalı məkanları var

Əsrarəngiz təbiət, şəfalı bulaqlar, qədim memarlıq abidələri, özünəməxsus mədəniyyət, milli mətbəx və digər amillər Azərbaycanda turizmin bütün növlərinin inkişafı üçün zəmin yaradır. Paytaxtla yanaşı, regionlarda da müasir səviyyəli müalicə və istirahət mərkəzlərinin istifadəyə verilməsi ölkəmizə turistlərin marağını daha da artırıb. Bu baxımdan kurort şəhəri olan Naftalanda da dincəlib, müalicə olunmaq istəyənlərin sayı ildən-ilə artır. Buraya üz tutan istər yerli, istərsə də xarici turistlərin mənalı dincəlməsi və müalicə olunması üçün son illər ən müasir tələblərə cavab verən otel və müalicə mərkəzləri inşa edilərək istifadəyə verilib. Gələn turistlər də bu mərkəzlərin xidmətindən olduqca razılıq edirlər.

Onlardan biri də Rusiya Federasiyasının Voloqodsk vilayətinin Çerpoved şəhərinin sakinidir. Uzun illərdir oynaq xəstəliyindən əziyyət çəkən Yuliya Buşmanova AZƏRTAC-ın müxbiri ilə söhbətində deyib: “Naftalan barədə məlumatım elə də çox deyildi. Mənə dedilər ki, müalicə üçün dünyanın hər yerindən buraya insanlar gəlir və şəfa tapırlar. Açığını söyləyim, bir qədər tərəddüd edirdim. Lakin gəlib buradakı şəraiti görəndə bütün tərəddüdlərimə son qoyuldu. Naftalanın “Çinar” sanatoriyasında 10 gün müalicə aldım. İndi özümü gümrah hiss edirəm. Azərbaycanın çox gözəl səfalı məkanları var. Burada bütün turistlərə xoş münasibət bəsləyirlər. Ümumiyyətlə, azərbaycanlılar çox qonaqpərvərdirlər. Mətbəxinizə də söz ola bilməz. Qərara almışam ki, gələn il də buraya gəlim”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video