19:42 26 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Bakı Hüquq Mərkəzi oxucuların suallarına cavab verir
ANA SƏHİFƏ / HÜQUQ MƏSLƏHƏTI
12:07 12.07.2015

Cavabdehlə bağlanmış podrat müqaviləsində işin gec təhvil verilməsinə görə cərimə nəzərdə tutulmuşdu. Məhkəmədə  dəbbə pulunun da ödənilməsini tələb etmişdim. Lakin məhkəmə cavabdehin heç bir tələbi, ərizəsi olmadığı halda dəbbə pulunun məbləğini azaltdı. Məhkəmənin  qərarı qanunidirmi?

 

Azad Axundov,

Lənkəran rayonu

 

Ümumi qayda ondan ibarətdir ki, müqavilə tərəfləri dəbbə pulunun miqdarını sərbəst şəkildə müəyyənləşdirmək hüququna malikdirlər (Azərbaycan Respublikası Mülki Məcəlləsi, 462.3-cü maddə). Lakin məhkəmə müqavilə ilə şərtləşdirilmiş dəbbə pulu məbləğinin vicdanlılıq (həmin məcəllənin 5.3-cü maddəsinə görə, mülki hüquq münasibətlərinin subyektləri öz hüquq və vəzifələrini vicdanla həyata keçirməyə borcludurlar) prinsipi çərçivəsində qiymətləndirilməsi zamanı tənasübsüz surətdə yüksək olduğu qənaətinə gələrsə, onda zəruri azaltma barədə qərar qəbul edə bilər. Çünki adıçəkilən məcəllənin 467-ci maddəsi ilə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Başqa sözlə, borclunun dəbbə pulunun azaldılması barədə tələbinin, ərizəsinin olub-olmamasının məhkəmənin bu səlahiyyətini həyata keçirməsi üçün hər hansı əhəmiyyəti yoxdur. Bununla belə, 467-ci maddənin ikinci cümləsi baxımından məhkəmə bu səlahiyyətini həyata keçirərkən tərəflərin mənafeləri arasında ədalətli balans qurmağa çalışmalı, sadəcə, borclunu qorumağı düşünməməlidir.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM