Alternative content

14:27 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Qədim Şabran turistlərin diqqət mərkəzindədir
Qədim Şabran turistlərin diqqət mərkəzindədir
ANA SƏHİFƏ / Turizm
08:07 08.07.2015

Azərbaycanın qədim yaşayış məskənlərindən sayılan Şabran rayonuna yay aylarında gələn turistlərin sayında artım müşahidə olunur. Ölkəmizin şimal bölgəsindəki əsas turizm mərkəzlərinə aparan yolun üzərində yerləşməsi bu tarixi məkanı turistlər üçün daha da cəlbedici edir.

AZƏRTAC xəbər verir ki, rayonda 150-dən artıq tarixi memarlıq və arxeoloji abidə var. Bunlar sırasında turistlərin ən çox diqqətini çəkənlər isə “Çıraqqala” tarix-memarlıq və “Şabran şəhəri” tarixi qoruqlarıdır.

Yerli və əcnəbi qonaqlar bu tarixi məkanları ziyarət etməklə yanaşı, həmin yerlərdə arxeoloji qazıntılar zamanı aşkarlanan nümunələri görmək üçün Şabran Tarix-Diyarşünaslıq Muzeyinə gəlirlər. Muzeyin bələdçisi Nərmin Eyvazlı AZƏRTAC-a müsahibəsində bildirib ki, son altı ayda mədəniyyət ocağını 2 min 849 turist ziyarət edib. Muzeyə gələn əcnəbilərin sayı isə 200 nəfərə yaxındır.

Arxeoloji qazıntılar zamanı aşkarlanan qədim eksponatlarla yanaşı, muzeyə gələn turistlərin ən çox diqqətini çəkən həm də qədim xalçalardır. Əldə toxunan xalçaları bəyənən əcnəbi turistlər yerli xalça ustalarına sifariş də verirlər.

İyirmi dörd ildir fəaliyyət göstərən və 2011-ci ildə bərpa edilərək yenidən istifadəyə verilən Şabran Tarix-Diyarşünaslıq Muzeyində həm ölkəmizin, həm də rayonunun tarixini əks etdirən və turistlər üçün maraq doğuran xeyli eksponat var.