07 Iyun 2015 01:06
394
Nazirlər Kabineti
A- A+

Azərbaycan Respublikasının Nazirlər Kabinetinin qərarı

 

№ 214                                    Bakı şəhəri, 4 iyun 2015-ci il

 

“Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nın, “Rezidenturada həkim-mütəxəssis hazırlığı aparılan ixtisaslarınTəsnifatı”nın və  “Azərbaycan Respublikası Nazirlər Kabinetinin qüvvədən düşmüş bəzi qərarlarının Siyahısı”nın təsdiq edilməsi haqqında” Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli qərarında dəyişikliklər edilməsi barədə

 

“Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən, Azərbaycan Respublikası Təhsil Nazirliyinin təklifini nəzərə alaraq Azərbaycan Respublikasının Nazirlər Kabineti  qərara alır:

Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli qərarı (Azərbaycan Respublikasının Qanunvericilik Toplusu, 2011, № 6, maddə 568; 2012, № 4, maddə 388, № 5, maddə 492; 2013, № 3, maddə 331, № 8, maddə 1003) ilə təsdiq edilmiş “Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nda aşağıdakı dəyişikliklər edilsin:

1. “2. Humanitar və sosial ixtisaslar qrupu” hissəsinin “060212 Hüquqşünaslıq” ixtisasına “- Transmilli cinayət hüququ” sətrindən sonra   “- İnformasiya hüququ” sətri əlavə edilsin.

2. “3. Mədəniyyət və incəsənət ixtisasları qrupu” hissəsinin “060321 Dizayn” ixtisasına “- Dizayn sənətinin tarixi və nəzəriyyəsi” sətrindən sonra  “- Vizual dizayn və media” sətri əlavə edilsin.

3. “4. İqtisadiyyat və idarəetmə ixtisasları qrupu” hissəsinin “060411 Kommersiya” ixtisasına “- Bazar infrastrukturu” sətrindən sonra “060412 Davamlı inkişafın idarə edilməsi” ixtisası əlavə edilsin.

4. “5. Təbiət ixtisasları qrupu” hissəsinin “060503 Fizika” ixtisasına   “- Yüksək enerjilər fizikası” sətrindən sonra “- Radiasiya materialşünaslığı”, “- Atom və nüvə fizikası” sətirləri, “060507 Hidrometeorologiya” ixtisasına “- Aqrometeorologiya” sətrindən sonra “- Su ehtiyatlarının inteqrasiyalı idarə edilməsi” sətri, “060510 Ekologiya” ixtisasına “- Aqrar sahədə ətraf mühitin mühafizəsi” sətrindən sonra “- Biomüxtəliflik və təbiətin mühafizəsi”, “- Bioekologiya” sətrləri əlavə edilsin.

5. “6. Texniki və texnoloji ixtisaslar qrupu” hissəsi üzrə:

5.1. “060638 Tikinti materialları və məmulatlarının texnologiyası mühəndisliyi” ixtisasına “- Bəzək və izolyasiya materialları” sətrindən sonra  “- Şüşə və keramika məmulatları texnologiyası” sətri əlavə edilsin;

5.2. “060643 Çoxişlənən malların texnologiyası mühəndisliyi” ixtisasından “- Şüşə və keramika məmulatları texnologiyası” sətri çıxarılsın.

 

Artur RASİ-ZADƏ,

Azərbaycan Respublikasının Baş naziri

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video