Alternative content

08:15 19 Sentyabr 2018
ONLINE XƏBƏR LENTİ
19.09.2018
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı Hüquq Mərkəzi oxucuların suallarına cavab verir
Bakı Hüquq Mərkəzi oxucuların suallarına cavab verir
ANA SƏHİFƏ / Hüquq məsləhəti
01:06 07.06.2015

 

Yeni aldığım mənzilə köçdükdən sonra bilmişəm ki,  əvvəlki sahibinin elektrik enerjisinə görə borcu qalıb. Lakin həmin şəxsin indi harada yaşadığını bilmirəm. Elektrik idarəsi isə borcu məndən tələb edir. Bu qanunidir?

 

Bilal Məmmədli,

Bakı şəhəri

           

- Sualınızdan aydın olur ki, enerjitəchizatı müəssisəsi mənzilin əvvəlki mülkiyyətçisinin, yəni, başqa bir istehlakçının istifadə etdiyi elektrik enerjisinin dəyərinin sizin tərəfinizdən ödənilməsini tələb edir. Halbuki belə bir tələbin sizə qarşı irəli sürülə bilməsi üçün sizin enerjitəchizatı müəssisəsi qarşısında əvvəlki mülkiyyətçinin istifadə etdiyi elektrik enerjisinin dəyərini ödəmək öhdəliyi daşımağınız lazımdır. Bu mənada sizin enerjitəchizatı müəssisəsi qarşısında pul ödəmək öhdəliyiniz mövcud deyildir (Azərbaycan Respublikası Mülki Məcəlləsi, 14 və 386.1-ci maddələr). Lakin bu cür vəziyyətin sizin üçün müəyyən qədər çətinlik (elektrik enerjisindən istifadə barədə bildirişdə əvvəlki istehlakçının borcunun da göstərilməsi, elektrik enerjisnin verilişinin dayandırılması təhlükəsi) yaratması aşkardır. Bu halda siz mənfi tanınma (təsbit) iddiası ilə məhkəməyə müraciət edərək enerjitəchizatı müəssisəsinin varlığını irəli sürdüyü borcun mövcud olmamasının tanınmasını tələb edə bilərsiniz. Başqa sözlə, bu növ iddia vasitəsilə siz enerjitəchizatı müəssisəsi qarşısında borcunuzun (əvvəlki mülkiyyətçinin borcuna görə öhdəlik daşımamağınızdan söhbət gedir) olmamasının məhkəmə qaydasında tanınmasına nail ola bilərsiniz.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi