19 May 2015 11:05
855
Turizm
A- A+

Azərbaycanın turizm potensialı “IMEX 2015” beynəlxalq sərgisində nümayiş etdirilir

Almaniyanın Frankfurt şəhərində keçirilən “IMEX 2015” beynəlxalq turizm sərgisində Azərbaycan da təmsil olunur.

Mədəniyyət və Turizm Nazirliyindən AZƏRTAC-a bildirilib ki, sərgidə ölkəmizin turizm potensialını əks etdirən 72 kvadratmetrlik stend hazırlanıb. Sərgiyə gələn qonaqlara ingilis və alman dillərində reklam xarakterli çap məhsulları təqdim edilib.

Beynəlxalq turizm sərgisində Azərbaycan Konqreslər Bürosu, həmçinin “Absheron Hotel Group”, “Boulevard Hotel Baku”, “Fairmont Baku”, “Hilton Baku”, “JW Marriott Absheron Baku”, “Kempinski Badamdar Baku”, “Qafqaz Baku City Hotel & Residences”, “Trump International Hotel & Tower Baku”, “Holiday Inn Baku” mehmanxanaları və “Improtex Travel Tours & Conferences”, “Caspian Event Organisers”, “ENC Tours”, “Geo Travel”, “MICE.az”, “Millennium Tourism”, “Pasha Travel” və “Regea Travel” şirkətləri təmsil olunur.

Azərbaycan Konqreslər Bürosu artıq ikinci dəfədir ki, “İMEX” beynəlxalq turizm sərgisində iştirak edir. Mayın 21-dək davam edəcək sərgidə 74 ölkədən təxminən 3500 şirkət təmsil olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video