08 Fevral 2012 01:02
920
Konstitusiya məhkəməsi
A- A+

Konstitusiya Məhkəməsi Aparatının hesabat iclası keçirilmişdir

 

Fevralın 7-də Azərbaycan Respublikası Konstitusiya Məhkəməsində Fərhad Abdullayevin sədrliyi ilə 2011-ci ilin yekunlarına həsr olunmuş hesabat iclası keçirilmişdir.

Sədr Fərhad Abdullayev Azərbaycan Respublikası Prezidentinin 2011-ci il 27 dekabr tarixli "Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramının təsdiq edilməsi" haqqında sərəncamının vacibliyinə toxunmuşdur.

Qeyd olunmuşdur ki, respublikamızda insan hüquq və azadlıqlarının daha səmərəli təmin edilməsinin əsasını ümummilli lider Heydər Əliyevin imzaladığı "İnsan və vətəndaş hüquqlarının və azadlıqlarının təmin edilməsi sahəsində tədbirlər haqqında" 1998-ci il 22 fevral tarixli fərmanı və "İnsan hüquqlarının müdafiəsinə dair Dövlət Proqramı"nın təsdiq edilməsi haqqında 1998-ci il 18 iyun tarixli sərəncamı təşkil etmişdir.

Sonra proqramın məzmunundan, onun icra mexanizmlərindən və məqsədlərindən söhbət açılmışdır.  Prezidentin sərəncamı ilə təsdiq edilmiş Milli Fəaliyyət Proqramının müddəalarını nəzərə alaraq, vətəndaşların Konstitusiya ilə təsbit edilmiş hüquq və azadlıqlarının müdafiəsinin təmin edilməsi məqsədi ilə Konstitusiya Məhkəməsinin Azərbaycan Respublikasının insan hüquqları üzrə müvəkkili (ombudsman) ilə əməkdaşlığın inkişaf etdirilməsinin vacibliyi vurğulanmışdır.

Daha sonra 2011-ci ildə Konstitusiya Məhkəməsinə daxil olmuş məhkəmə müraciətləri, sorğular və vətəndaşların şikayətləri ilə bağlı qəbul edilmiş qərar və qərardadlar barədə, habelə aparılmış analitik rəylər və arayışlar, beynəlxalq əməkdaşlıq sahəsində Aparatın müvafiq şöbə və sektor müdirlərinin hesabatları, aparat rəhbərliyinin çıxışları dinlənilmişdir.

Qeyd edilmişdir ki, 2011-ci ildə Konstitusiya Məhkəməsi plenumu tərəfindən qəbul edilmiş 25 qərar qanunvericiliyin təkmilləşdirilməsi və Konstitusiya müddəalarından irəli gələn prinsiplərin aliliyinin təmin edilməsinə yönəlmiş və hüquq münasibətlərinin tənzimlənməsində müsbət rol oynamışdır.

Hesabat iclasına yekun vuran Fərhad Abdullayev Konstitusiya Məhkəməsi Aparatının əməkdaşlarının Azərbaycan Respublikası qanunvericiliyinin tələblərinin, habelə respublikamızın tərəfdar çıxdığı beynəlxalq müqavilələrdə təsbit edilmiş normaları ətraflı təhlil etməklə öz fəaliyyətlərində tətbiq etmələrinin vacibliyinə toxunmuş, 2012-ci il üzrə praktiki işlə bağlı müvafiq tapşırıq və tövsiyələrini vermişdir.             

 

AzərTAc

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video