Alternative content

23:01 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan və Gürcüstan arasındakı mükəmməl hüquqi baza bütün sahələrdə əməkdaşlığın genişləndirilməsinə gözəl imkan yaradır
Azərbaycan və Gürcüstan arasındakı mükəmməl hüquqi baza bütün sahələrdə əməkdaşlığın genişləndirilməsinə gözəl imkan yaradır
ANA SƏHİFƏ / Milli Məclis
01:01 19.01.2012

 

Bakıda səfərdə olan Gürcüstan parlamenti sədrinin müavini, Gürcüstan-Azərbaycan parlamentlərarası dostluq qrupunun Sədri Fridon Todua yanvarın 18-də Milli Məclisin Sədri Oqtay Əsədov ilə görüşmüşdür.

Azərbaycan ilə Gürcüstanın tarixi dostluq münasibətlərindən danışan Milli Məclisin Sədri demişdir ki, ölkələrimiz arasında mövcud olan mükəmməl hüquqi baza bütün sahələrdə ikitərəfli əməkdaşlığın genişləndirilməsinə gözəl imkan yaradır. Azərbaycan və Gürcüstanın regionda birgə reallaşdırdıqları iri layihələrdən danışan O.Əsədov bildirmişdir ki, bütün bunlar gələcəkdə ölkələrimiz arasında ticarət dövriyyəsinin daha da artmasına zəmin yaradacaqdır.

Ölkələrimiz arasında əlaqələrin inkişafında parlamentlərin rolunu xüsusi vurğulayan Milli Məclisin Sədri qanunverici orqanlarımızın beynəlxalq qurumlardakı əməkdaşlığından razılığını ifadə etmişdir.

Azərbaycana səfərindən məmnunluğunu bildirən F.Todua  keçirdiyi səmərəli görüşlərdən danışmışdır. Ölkəmizə ikinci dəfə səfər etdiyini və ötən müddətdə burada çox böyük inkişaf proseslərinin şahidi olduğunu deyən qonaq bildirmişdir ki, xalqlarımız hər zaman mehriban qonşuluq şəraitində yaşamış və bu gözəl ənənə gələcəkdə münasibətlərimizin daha da yaxşılaşmasına zəmin yaradır. O, Azərbaycanda müxtəlif sahələrdə, xüsusilə də səhiyyə sahəsində tətbiq olunan müasir texnologiyanı bir həkim kimi yüksək qiymətləndirmişdir.

Görüşdə qarşılıqlı maraq doğuran məsələlərə dair fikir mübadiləsi aparılmışdır.

 

AzərTAc