18 Yanvar 2012 01:01
841
Milli Məclis
A- A+

Azərbaycanla İraq arasındakı dostluq münasibətlərinin tarixi kökləri var

 

Yanvarın 17-də Milli Məclisin Sədri Oqtay Əsədov ölkəmizdə səfərdə olan İraq Respublikası parlamentinin Xarici əlaqələr komitəsinin sədri Hammam Hamudinin başçılıq etdiyi nümayəndə heyətini qəbul etmişdir.

Oqtay Əsədov demişdir ki, Azərbaycan ilə İraq arasındakı dostluq münasibətlərinin qədim tarixi kökləri var. Əminik ki, sizin bu səfəriniz əlaqələrimizin inkişafına yeni təkan verəcəkdir.

Dövlətlər və xalqlar arasında əməkdaşlığın genişlənməsində qanunverici orqanların rolunu xüsusi qeyd edən O.Əsədov demişdir ki, Milli Məclisdə Azərbaycan-İraq parlamentlərarası əlaqələr üzrə işçi qrup yaradılmışdır. Azərbaycan parlamenti iki ölkə arasında əlaqələrin hərtərəfli inkişafını dəstəkləyir. İş adamlarımız da İraq iqtisadiyyatının dirçəlməsinə yardımçı olmağa hazırdırlar.

Milli Məclisin spikeri Azərbaycanın dinamik inkişafı, beynəlxalq münasibətlərdəki yeri və rolu, Dağlıq Qarabağ problemi barədə qonağa ətraflı məlumat vermişdir. Oqtay Əsədov demişdir ki, artıq 20 ildir ki  torpaqlarımızın bir hissəsi işğal altındadır. Bununla bağlı müxtəlif beynəlxalq təşkilatlar qətnamələr qəbul etsə də, hələ də onlara əməl olunmur. O, İraqın bu məsələdə Azərbaycanın ədalətli mövqeyini müdafiə etməsini yüksək dəyərləndirmişdir. Parlamentin sədri Azərbaycanın BMT Təhlükəsizlik Şurasına daimi üzv seçilməsi zamanı göstərdiyi dəstəyə görə İraq hökumətinə və xalqına minnətdarlığını bildirmişdir.

İraq Respublikası parlamentinin Xarici əlaqələr komitəsinin sədri Hammam Hamudi göstərilən qonaqpərvərliyə və xoş sözlərə görə təşəkkürünü bildirdi. O, Azərbaycanı BMT Təhlükəsizlik Şurasına üzv seçilməsi  münasibətilə təbrik etdi. Dedi ki, İraq dövləti və xalqı qardaş və dost Azərbaycan ilə əlaqələrin inkişafında maraqlıdır. Səfərin əsas məqsədi bu və digər məsələlər ətrafında fikir mübadiləsi aparmaqdır. Dövlətlərimiz arasındakı münasibətlərin genişlənməsində parlamentlərin rolu böyükdür. Ümid edirik ki, bu əlaqələr nəticəsində iqtisadi-ticarət dövriyyəmiz daha da genişlənəcək.

Görüşdə parlamentlərarası əlaqələrin inkişaf perspektivləri, qarşılıqlı səfərlərin təşkili, iş adamlarının sərmayə qoymaq imkanları və digər məsələlər ətrafında geniş fikir mübadiləsi aparılmışdır.

 

"Azərbaycan"

Ağaəli MƏMMƏDOV(foto)

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video