Pak Hi Te: «Azərbaycanda həyat səviyyəsi çox yüksəkdir»
Azərbaycanda səfərdə olan Koreya Respublikası Milli Assambleyasının sədri Pak Hi Te yanvarın 13-də Milli Məclisin Sədri Oqtay Əsədovla görüşmüşdür.
Pak Hi Te əvvəlcə Milli Məclisin binasına baxmış, burada deputatlar üçün yaradılmış şəraitlə yaxından tanış olmuşdur. Parlamentin binasındakı Heydər Əliyev Xatirə zalı ilə tanışlıq zamanı qonağa ümummilli liderin həyat və fəaliyyəti, keçirdiyi görüşləri, xarici ölkələrə səfərləri barədə geniş məlumat verilmişdir.
Koreya Respublikası Milli Assambleyasının sədri xatirə kitabına ürək sözlərini yazmışdır.
Görüşdə Oqtay Əsədov Azərbaycan və Koreya respublikaları arasında əlaqələrin inkişaf etdiyini vurğulamış, bu səfərin parlamentlərarası münasibətlərin daha da genişlənməsinə təkan verəcəyinə əmin olduğunu bildirmişdir.
Milli Məclisin Sədri demişdir ki, ölkələrimiz arasında əlaqələrin inkişafında dövlətlərimizin başçılarının xüsusi rolu vardır. Bugünə qədər dövlətlərimiz və hökumətlərimiz arasında
40-dan çox sənəd imzalanmış, 3 biznes forum keçirilmişdir. İki ölkə arasında ticarət dövriyyəsi 2011-ci ildə əvvəlki illərlə müqayisədə 74 faiz artmışdır.
Milli Məclisin Sədri 2008-ci ildə Koreya Respublikasına səfərini, keçirdiyi görüşləri xatırlatmış, qarşılıqlı səfərlərin ikitərəfli münasibətlərin inkişafında mühüm rol oynadığını xüsusi qeyd etmişdir.
O.Əsədov qonaqlara Dağlıq Qarabağ münaqişəsi barədə ətraflı məlumat vermiş, təcavüzkar Ermənistanın BMT TŞ, AŞ PA, Avropa Parlamenti və digər beynəlxalq təşkilatların münaqişə ilə bağlı qəbul etdiyi qərar və qətnamələrə əməl etmədiyini diqqətə çatdırmış, bu problemin təkcə Azərbaycanın deyil, bütövlükdə regionun inkişafı üçün ciddi maneə yaratdığını söyləmişdir.
Koreya Respublikası Milli Assambleyasının sədri Pak Hi Te Azərbaycana səfərindən məmnun qaldığını bildirmiş, göstərilən qonaqpərvərliyə görə minnətdarlıq etmişdir.
Hörmətli qonaq ölkəmizdə həyata keçirilən islahatları, iqtisadi inkişafı xüsusi qeyd etmiş, Azərbaycanda həyat səviyyəsinin çox yüksək olduğunu bildirmişdir. O demişdir ki, bu nailiyyətlərə yalnız uzaqgörən dövlət başçısının praqmatik siyasəti nəticəsində nail olmaq mümkündür.
Pak Hi Te ölkəsinin Azərbaycan ilə münasibətlərə xüsusi önəm verdiyini diqqətə çatdırmışdır. Bildirmişdir ki, Koreya Respublikası Cənubi Qafqazda yalnız Azərbaycanda səfirlik açmışdır. Bu gün Koreya şirkətləri Azərbaycanda həvəslə çalışır və sərmayə qoyurlar. Bu da bizim Azərbaycana olan münasibətimizin göstəricisidir.
Qonaq parlamentlərarası əlaqələrin genişləndirilməsi üçün səylərini artıracağını bildirmişdir.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Paşinyan separatçıları hədələdi
29 Mart
Vətən qarşısındakı övladlıq borcunu şərəflə yerinə yetirdi
29 Mart
İçdiyi hərbi anda sadiq qaldı
29 Mart
Cəsarəti ilə düşmənə meydan oxuyan qadın
29 Mart
Vətəni qorumaq ən müqəddəs borcumuzdur
29 Mart
Lənkəranda "Bələdiyyələrdə gender bərabərliyi siyasətinin həyata keçirilməsi"ndən danışılıb...
29 Mart
ASF Neftçalada əkin sahələrində subasma halları ilə bağlı zərər dəyərləndirməsinə başlayıb...
29 Mart
Biləsuvarda növbəti ağacəkmə aksiyası keçirilib
29 Mart
Şirvanda daha bir həyət abadlaşdırılıb
29 Mart
Gəncənin daxili yollarında təmir işləri yekunlaşıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!