19:40 26 Yanvar 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Bakı Hüquq Mərkəzi oxucuların suallarına cavab verir
ANA SƏHİFƏ / HÜQUQ MƏSLƏHƏTI
12:12 07.12.2014

 

Tanışımdan avtomobil almışam. Lakin avtomobildə nasazlıq olduğundan aramızda mübahisə yaranıb. İstehlakçı kimi hüquqlarımın pozulmasını iddia edib yaşadığım ərazi üzrə məhkəməyə müraciət edə bilərəm?

 

Kamal Həbibov,

Binə qəsəbəsi

           

- Azərbaycan Respublikası Mülki Prosessual Məcəlləsinin 36.9-cu maddəsi istehlakçının hüququnun müdafiəsi haqqında iddiaların iddiaçının yaşadığı yerə görə, yaxud müqavilənin bağlandığı və ya icra edildiyi yerə görə verilə bilmə imkanını nəzərdə tutur. Həmin maddəyə əsaslanmaqla yaşayış yeriniz üzrə məhkəməyə müraciət etmək hüququna malik olmanızdan danışmaq üçün sizin həmin alqı-satqı müqaviləsinin bağlanması zamanı istehlakçı kimi çıxış edib-etməməyinizin düzgün müəyyənləşdirilməsi zəruridir. Belə ki, “İstehlakçıların hüquqlarının müdafiəsi haqqında” qanunun 1-ci maddəsinə əsasən, istehlakçı - şəxsi tələbatını ödəmək məqsədi ilə mal, iş və xidmətlərdən istifadə edən, onları alan, sifariş verən, yaxud almaq və ya sifariş vermək niyyəti olan şəxsdir. Azərbaycan Respublikası Mülki Məcəlləsinin (bundan sonra - MM) 614.1-ci maddəsinə görə, pərakəndə alqı-satqı müqaviləsinə görə malların pərakəndə satışı üzrə sahibkarlıq fəaliyyətini həyata keçirən satıcı sahibkarlıq fəaliyyəti ilə bağlı olmayan şəxsi, ailə, ev və ya digər istifadə üçün nəzərdə tutulan malı alıcıya verməyi öhdəsinə götürür. MM-in 614.3-cü maddəsinə görə, fiziki şəxs olan alıcının iştirakı ilə pərakəndə alqı-satqı müqaviləsi ilə əlaqədar bu məcəllə ilə tənzimlənməyən münasibətlərə istehlakçıların hüquqlarının qorunması haqqında qanun və ona uyğun qəbul edilmiş digər normativ-hüquqi aktlar tətbiq edilir.

Göründüyü kimi, istehlakçı müqavilələri üzrə tərəflərdən biri istehlakçı, digəri isə sahibkarlıq fəaliyyətini həyata keçirən şəxsdir. Sualınızdan aydın olur ki, tanışınız öz şəxsi tələbatını ödəmək məqsədilə aldığı avtomobili sizə satmışdır, başqa sözlə, satıcı sahibkarlıq fəaliyyətini həyata keçirməmişdir. Bu anlamda, bağladığınız alqı-satqı müqaviləsinin istehlakçı müqaviləsi, sizin isə istehlakçı kimi qiymətləndirməniz, o cümlədən Azərbaycan Respublikası Mülki Prosessual Məcəlləsinin 36.9-cu maddəsinə istinadən öz yaşadğınız yer üzrə iddia qaldırmağınız əsaslı sayıla bilməz. 

 

 Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM