Milli Məclisin 2011-ci il payız sessiyası başa çatdı
Dekabrın 30-da Milli Məclisin 2011-ci il payız sessiyasının son iclası keçirildi. İclası açan Milli Məclisin Sədri Oqtay Əsədov Dünya Azərbaycanlılarının Həmrəylik Günü və Yeni il münasibətilə deputatları təbrik etdi. Parlament adından Azərbaycan Respublikasının Prezidenti İlham Əliyevə Dünya Azərbaycanlılarının Həmrəylik Günü və Yeni il münasibətilə təbrik ünvanlayan spiker dövlətimizin başçısına ölkənin tərəqqisi, xoşbəxtliyi və gələcəyi naminə göstərdiyi fəaliyyətində uğurlar arzuladı.
Oqtay Əsədov daha sonra bildirdi ki, Milli Məclis Fransa Milli Assambleyasında qondarma "erməni soyqırımı"nın inkarına görə cinayət məsuliyyətini nəzərdə tutan qanunun qəbuluna etiraz olaraq Fransa Senatına müraciət qəbul edəcək: "Fransa Senatında Türkiyəni və Azərbaycanı dəstəkləyən kifayət qədər senator var, amma bu müraciət qəbul edilsə, yaxşı olar". Müraciətin hazırlanması üçün deputat Mübariz Qurbanlının sədrliyi ilə komissiya yaradıldı.
İclasda deputatlar gündəlikdəki və digər məsələlərlə bağlı fikirlərini bildirdilər. Deputat Fazil Mustafa bu günlərdə Azərbaycan Prezidentinin sərəncamı ilə 92 məhkumun əfv edilməsini yüksək qiymətləndirdi. Əlavə etdi ki, Azərbaycan dövlətini 2012-ci ildə bir çox vacib işlər gözləyir. Gündəmdə duran ən aktual məsələlərdən biri olan "Siyasi partiyalar haqqında" qanuna ediləcək əlavə və dəyişikliklərin yaz sessiyasında müzakirəyə çıxarılması zəruridir. Deputatlardan Fərəc Quliyev, Hikmət Atayev, Musa Qasımlı, Zahid Oruc və başqaları müzakirə edilən bir sıra məsələlərə rəy və təkliflərini bildirdilər.
Milli Məclisin Sədri Oqtay Əsədov isə xalq artisti, deputat Zeynəb Xanlarovanı 75 yaşı tamam olması münasibətilə təbrik etdi. Ona növbəti iclasların birində parlamentin diplom və medalının təqdim olunacağını söylədi.
Sonra iclasın gündəliyində duran birinci məsələ - "Sosial xidmət haqqında" qanun layihəsi üçüncü oxunuşda qəbul edildi. Parlamentin Sosial siyasət komitəsinin sədri Hadi Rəcəbli dedi ki, qanun sosial xidmətin əhatə dairəsinin genişlənməsini özündə əks etdirir. Qanun layihəsi xarici ölkələrin təcrübəsi nəzərə alınmaqla hazırlanıb. Bu qanunla sosial yardıma ehtiyacı olan vətəndaşların kateqoriyaları, sosial yardımın növləri (dövlət stasionar müəssisələrdə, özəl müəssisələrdə, evlərdə) müəyyənləşdiriləcək. Azərbaycanda sosial xidmətlərlə bağlı qanunvericilik yaradıldıqdan sonra sosial işçilərin statusu, onların hüquq və vəzifələri müəyyən ediləcək.
İclasda "Azərbaycan Respublikasının İsveçrə Konfederasiyasında (Bern şəhərində) səfirliyinin təsis edilməsi haqqında", "Azərbaycan Respublikası hökuməti və Gürcüstan hökuməti arasında məxfi məlumatın qarşılıqlı mühafizəsi haqqında" Sazişin təsdiq edilməsi barədə, "Azərbaycan Respublikası hökuməti və Türkiyə Respublikası hökuməti arasında sərmayələrin qarşılıqlı qorunması və təşviqi haqqında" Sazişin təsdiq edilməsi barədə, "Azərbaycan Respublikası Prezidentinin və Qazaxıstan Respublikası Prezidentinin Birgə Bəyannaməsinin təsdiq edilməsi haqqında", "Azərbaycan Respublikası hökuməti və Qazaxıstan Respublikası hökuməti arasında dəniz ticarət gəmiçiliyi sahəsində əməkdaşlıq haqqında" Sazişin təsdiq edilməsi barədə və "Azərbaycan Respublikası hökuməti və Qazaxıstan Respublikası hökuməti arasında diplomatik nümayəndəliklərin binalarının tikintisi üçün torpaq sahələrinin qarşılıqlı olaraq ayrılması haqqında" Sazişin təsdiq edilməsi barədə qanun layihələri səsə qoyularaq qəbul edildi.
Milli Məclisin Hüquq siyasəti və dövlət quruculuğu komitəsinin sədri Əli Hüseynli "Azərbaycan Respublikası vətəndaşının şəxsiyyət vəsiqəsi haqqında" Azərbaycan Respublikasının Qanununda dəyişikliklər edilməsi barədə və "Azərbaycan Respublikası vətəndaşının şəxsiyyət vəsiqəsi nümunəsinin təsdiq edilməsi haqqında" Azərbaycan Respublikası Qanununun ləğv edilməsi barədə qanun layihələrini müzakirəyə təqdim etdi. Komitə sədri hazırlanacaq yeni nəsil şəxsiyyət vəsiqəsi barədə məlumat verdi. Dedi ki, təklif edilən dəyişikliyə əsasən, Azərbaycan xarici dövlətlərlə müvafiq beynəlxalq müqavilə bağlamış olduğu halda, Azərbaycan vətəndaşı şəxsiyyət vəsiqəsindən həmin dövlətlərdə də vətəndaşın şəxsiyyətini təsdiq edən, habelə onun ölkədən getmək və ölkəyə gəlmək hüququnun həyata keçirilməsi üçün nəzərdə tutulan sənəd kimi istifadə edə bilər. Dəyişikliklərə əsasən, şəxsiyyət vəsiqəsinin 16 yaşına çatanadək və 16 yaşına çatdıqdan sonra vətəndaşa verilən növləri ləğv ediləcək. Qanuna əsasən, hər bir Azərbaycan vətəndaşı 15 yaşı tamam olduqdan və ya şəxs Azərbaycan vətəndaşlığına qəbul edildikdən sonra 1 ay müddətinə şəxsiyyət vəsiqəsi almalıdır. Şəxsiyyət vəsiqəsi 10 il müddətinə, 55 yaşı tamam olmuş şəxslərə isə qeyri-məhdud müddətə veriləcək.
Komitə sədri onu da vurğuladı ki, şəxsiyyət vəsiqəsinə elektron daşıyıcı - çip yerləşdiriləcək. Etibarlılıq müddəti bitdikdə, yaxud vətəndaşın soyadı, adı, atasının adı dəyişdikdə, şəxsiyyət vəsiqəsi, o cümlədən onun elektron daşıyıcısı yararsız hala düşdükdə, vəsiqənin üzərindəki məlumatların səhv olduğu müəyyənləşdirildikdə şəxsiyyət vəsiqəsi dəyişdirilməlidir. 2014-cü il yanvarın 1-dək verilən şəxsiyyət vəsiqələri vətəndaş 25, 35, 50 yaşa çatanadək və ya vətəndaşın soyadı, adı, atasının adı, yaşayış yeri, ailə vəziyyəti, hərbi vəzifəsi dəyişilənədək, yaxud şəxsiyyət vəsiqəsi itənədək, yararsız hala düşənədək və ya vəsiqələrin üzərindəki məlumatların səhv olduğu müəyyənləşdirilənədək qüvvədə qalır. Qanunun 2014-cü il yanvarın 1-dən qüvvəyə minməsi nəzərdə tutulur.
Qanun layihəsi səsə qoyularaq qəbul edildi.
Əli Hüseynli "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununda dəyişikliklər edilməsi barədə, "Azərbaycan Respublikasının İnzibati Xətalar Məcəlləsində dəyişiklik edilməsi haqqında" və "Azərbaycan Respublikasının Mülki Məcəlləsində dəyişikliklər edilməsi haqqında" qanun layihələri barədə də məlumat verdi. Qısa müzakirələrdən sonra qanun layihələləri qəbul edildi.
İclasda deputat Sahibə Qafarova Fransa Milli Assambleyasının qondarma "erməni soyqırımı"nın inkarına görə cinayət məsuliyyətini nəzərdə tutan qanun qəbul etməsi ilə bağlı Azərbaycan Milli Məclisinin etiraz müraciətini oxudu (Müraciətin mətni qəzetimizin bugünkü sayında dərc olunur).
Daha sonra parlamentin İqtisadi siyasət komitəsinin sədri Ziyad Səmədzadə "Dövlət rüsumu haqqında" Azərbaycan Respublikasının Qanununda dəyişiklik edilməsi barədə" qanun layihəsi haqqında məlumat verdi. Qanun layihəsi səsə qoyularaq qəbul olundu.
"Azərbaycan Respublikası Hesablama Palatasının 2012-ci il üçün xərclər smetası haqqında" Azərbaycan Respublikası Milli Məclisinin Qərarında dəyişikliklər edilməsi barədə qanun layihəsi haqqında Hesablama Palatasının sədri Heydər Əsədov məlumat verdi. Qanun layihəsi səs çoxluğu ilə qəbul olundu.
Sonra Dünya Azərbaycanlılarının Həmrəylik Günü münasibətilə Azərbaycan Respublikası Milli Məclisinin müraciətinin təsdiq edilməsi məsələsinə baxıldı. Müraciətin mətnini deputat Mübariz Qurbanlı oxudu. Müraciət təsdiq edildi (Müraciətin mətni qəzetimizin bugünkü sayında dərc olunur).
Sonda Milli Məclisin Sədri Oqtay Əsədov bildirdi ki, 2011-ci ilin payız sessiyası dövründə 12 iclas keçirilmiş, 106 qərar və qanun qəbul olunmuşdur.
Bununla Milli Məclisin payız sessiyası başa çatdı və Azərbaycan Respublikasının Dövlət himni səsləndi.
"Azərbaycan"
Foto F.BAĞIROVUNDUR
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Hikmət Hacıyev: COP29 Azərbaycanın qətiyyətini, diplomatik və siyasi cəsarətini nümayiş etdirir...
28 Mart
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!