02 Oktyabr 2014 11:10
821
Turizm
A- A+

Səmərqənddə Dünya Turizm Təşkilatı İcraiyyə Şurasının 99-cu iclasının rəsmi açılışı olub

Özbəkistanın Səmərqənd şəhərində BMT-nin Dünya Turizm Təşkilatı (DDT) İcraiyyə Şurasının 99-cu iclasının rəsmi açılış mərasimi keçirilib.
Forumun açılışında Özbəkistan Prezidenti İslam Kərimov, DTT-nin baş katibi Taleb Rifai, təşkilatın üzvü olan ölkələrin nümayəndə heyətləri, bir sıra beynəlxalq təşkilatların təmsilçiləri iştirak ediblər.
Mədəniyyət və turizm naziri Əbülfəs Qarayevin rəhbərliyi ilə Azərbaycan nümayəndə heyəti, ölkəmizin Özbəkistandakı səfiri Hüseyn Quliyev də açılış mərasiminin iştirakçıları arasında olublar.
İslam Kərimov iclas iştirakçılarını salamlayaraq qədim Səmərqəndin tarixindən danışıb. Onun sözlərinə görə, hələ 100 illər bundan əvvəl bu şəhərdə elm, təhsil, mədəniyyət inkişaf edib. Böyük İpək Yolunun üzərində olan Səmərqəndin dünya ölkələri ilə ticarət əlaqələri bu şəhərin daha da çiçəklənməsinə şərait yaradıb.
Özbəkistanda turizmin inkişafından danışan dövlət başçısı qeyd edib ki, ölkədə yeddi mindən artıq qədim tarixi abidə var. Onun sözlərinə görə, turistləri Özbəkistana cəlb edən onun tarixi və qədim tarixi abidələridir.
Dünya Turizm Təşkilatının baş katibi Taleb Rifai bildirib ki, 1994-cü ildə BMT-nin və UNESCO-nun himayəsi altında Səmərqənddə “İpək Yolu” adlı Beynəlxalq seminar keçirilib və o tədbirdə Səmərqənd Bəyannaməsi qəbul edilib. Hazırkı iclas bu Bəyannamənin qəbul edilməsinin 20 illiyinə həsr olunub. T.Rifai Özbəkistanda turizmin inkişafına dövlətin dəstəyi haqqında da danışıb.
İclas öz işini davam etdirir.


Qulu Kəngərli
AzərTAc-ın xüsusi müxbiri
Səmərqənd

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video